.د هلمند پوهنتون مسولینو د نشه يي توکو پر ضد د مبارزې معین سره وکتل

helmand@123
دوشنبه ۱۴۰۳/۹/۲۶ - ۱۱:۱۵
لیدنه

نېټه:۱۴۴۶/۶/۱۴ هــ ق 
 

د یکشنبې په ورځ د هلمند پوهنتون عمومي رئیس الحاج شیخ مولوي حافظ محمد نسیم حقاني، د لوړو زده کړو وزارت د تألیف او ترجمې رئیس ډاکټر حمیدالله مزمل او د یاد پوهنتون د مالي او اداري چارو مرستیال ډاکټر سمیع الله سعید د نشه يي توکو پر ضد د مبارزې معین الحاج ملا عبدالحق همکار سره د هغه په کاري دفتر کي وکتل.
په دې مهمه لیدنه کي د هلمند پوهنتون مسؤلینو د نشه يي توکو پاک افغانستان ملي کنفرانس په اړه معین صاحب ته مفصل معلومات وړاندي کړل. د پوهنتون مسؤلینو په خپلو خبرو کي یادونه وکړه، چي د دې ملي کنفرانس موخه په تعلیمي بنسټونو او ټولنه کي د ځوانانو تر منځ د پوهاوي کچه لوړول، د نشه يي توکو د ناوړه اغیزو مخنیوی، د بدیلو کښتونو ترویج او د اقتصادي ودي لپاره حل لاري موندل او وړاندي کول دي.

په دغه ناسته کي الحاج ملا عبدالحق همکار د پوهنتون له مسؤلینو څخه مننه وکړه او د دوی د هڅو ستاینه یې وکړه. نوموړي وویل چي د نشه يي توکو پر ضد مبارزه یوه ملي او دیني وجیبه ده او تعلیمي ادارې باید په دې برخه کي مخکښ رول ولوبوي.
همدارنګه، دواړو خواو د ګډو همکاریو پر پیاوړتیا ټینګار وکړ او ژمنه یې وکړه چي د نشه يي توکو پر ضد د مبارزې په برخه کي به له یو بل سره همکاري کوي. د نشه يي توکو پر ضد د مبارزې معین د دې ملي کنفرانس د بریالي ترسره کولو لپاره د هر اړخیز ملاتړ ډاډ ورکړ.

د هلمند پوهنتون عمومي رئیس الحاج شیخ مولوي حافظ محمد نسیم حقاني وویل، چي پوهنتونونه د ټولني د فکري جوړښت لپاره خورا مهم دي او د نشه يي توکو له منځه وړلو په برخه کي د دوی ونډه اړینه ده.
په پای کي دواړو خواو د دې ډول لیدنو او همکاریو د دوام او د نشه يي توکو پاک افغانستان لپاره د ګډو هڅو پر اړتیا ټینګار وکړ.

تازه خبرونه

پنجشنبه, نوومبر 05 2026 10:55 AM
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه, نوومبر 02 2026 2:40 PM
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه, اکتوبر 25 2026 2:41 PM
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS