.د هلمند پوهنتون د ټولنیزو علومو علمي مجلې لومړۍ ګڼه چاپ سوه

helmand@123
پنجشنبه ۱۴۰۳/۱۰/۲۰ - ۱۱:۳۰
لید

نېټه: ۱۴۴۶/۷/۷ هـ ق

د هلمند پوهنتون د ټولنیزو علومو علمي مجله " لید " لومړۍ ګڼه د پوهنتون د علمي مجلو آمریت په زیار چمتو او چاپ ته وړاندي سوه.

د لید مجلې آمر ښاغلي دوکتور نوراحمد اېمل وویل، په دې ګڼه کي د ټولنیزو علومو اړوند ۱۶ څېړنیزي مقالې خپرې سوي، چي د شرعیاتو، اقتصاد، ژبي، تاریخ، جغرافیې او نورو برخو مهم موضوعات رانغاړي.

ښاغلي اېمل د علمي مجلو پر ارزښت ټینګار وکړ او ویې ویل، دا ډول خپروني د څېړنیز چاپیریال په وده کي مهم رول لري، هغه زیاته کړه، چي د پوهنتون د کیفیت لوړاوي او د استادانو د ترفیعاتو اخیستلو چاري اسانه کوي او دغه راز د علمي بنسټونو ترمنځ اړيکي هم پیاوړي کوي.

نوموړي د مجلې د لاسرسي په اړه هم خبري وکړې، هغه وویل، دا ګڼه به د هېواد ټولو پوهنتونونو او علمي مرکزونو سره د استفادې په موخه ډیر ژر شریکه سي.

ښاغلي اېمل له ټولو اکاډمیکو شخصیتونو وغوښتل، چي خپلي څېړنیزي مقالې د علمي مجلې په راتلونکو ګڼو کي د خپراوي په موخه له دوی سره شریکي کړي.

 

تازه خبرونه

پنجشنبه ۱۴۰۵/۸/۱۴ - ۱۰:۵۵
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه ۱۴۰۵/۸/۱۱ - ۱۴:۴۰
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه ۱۴۰۵/۸/۳ - ۱۴:۴۱
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS