.په هلمند پوهنتون کي د فاضلان د عالیې او عالمیې مرحلو شپږ ورځنۍ ازمویني پیل سوې
نېټه: ۱۴۴۶/۷/۱۰ هـ ق
نن شنبه د هلمند پوهنتون په انګړ کي د شاوخوا "۲۰۰۰" تنو فاضلانو د عالیې او عالمیې مرحلو شپږ ورځنۍ ازمویني پیل سوې.
د لوړو زده کړو وزارت، د دیني جامعاتو او تخصصاتو لوی ریاست په چوکاټ کي د فاضلانو د عالیې او عالمیې مرحلو ازمویني؛ د دې وزارت د ځانګړو استازو، په هلمند کي د امام محمد "رح" دیني جامعې او هلمند پوهنتون د استادانو او اداري کارمندانو په همکارۍ پیل سوې.
یاده لړۍ به شپږ ورځي دوام وکړي، چي په ترڅ کي به یې د شاوخوا ۲۰۰۰ تنه فاضلانو څخه ازموینه واخیستل سي.
د لوړو زده کړو وزارت ځانګړي استازي د ازموینې د صحنې د تنظیم او شفافیت په برخه کي بشپړ اطمینان وړاندي کوي. دوی وايي، د ازمویني د صحنې د کنټرول په موخه یې د الکترونیکي وسایلو لکه تلیفون او یا نور توکي چي د ازمویني صحنه ګډوډوي ، د راوړلو د مخنیوي په پار بشپړ تدابیر نیولي.
باید وویل سي، چي هم مهاله په ټول هیواد کي یاده پروسه را پیل سوې، چي په لړ کي به یې له زرګونو فاضلانو څخه ازموینه واخیستل.
