.د هلمند پوهنتون د "علمي او څېړنیزې مجلې" دريم ټوک، دريمه ګڼه تازه چاپ ته ورسېدل

نېټه: 1446/7/11 ه. ق کال

د هلمند پوهنتون د ساينسي علومو څېړنيزي مجلې 3 ټوک، 3 مه ګڼه ددې پوهنتون د څېړنيز آمريت په هلو ځلو چمتو او چاپ سوه.

په دې مجله کي د کرنې، اقتصاد، طب، انجینري او د نورو برخو علمي موضوعاتو ته ځانګړې پاملرنه سوې ده. د شاتو مچیو د ناروغیو څېړنه، د انځرو د ناروغیو او آفتونو د کنټرول لاري چاري او د فارمونو د مدیریت په اړه څېړني يې له مهمو موضوعاتو څخه دي.

دغه راز د Fasciolosis ناروغۍ اغېزې، د اقتصادي ارزښتونو ارزونه، د نباتاتو کرنه او تولید او د عصبي ناروغى Variant Creutzfeldt-Jakob اړوند څېړنیزې مقالې په دې ګڼه کي خپرې سوي دي.

د يادولو وړه ده، چي د هلمند پوهنتون د ساینسي علومو علمي مجلې په ۱۴۰۱ ه.ش کال کي د خپراوي جواز تر لاسه کړی، چي تر دې دمه يې لس ګڼي په چاپ رسېدلي.