په هلمند پوهنتون کي ممتاز او نوښتګر محصلین وستایل سوه.

helmand@123
سه‌شنبه ۱۴۰۵/۲/۸ - ۱۵:۳۳
ستاینغونډه

نن د یاد پوهنتون د امام ابو داوود سجستاني رحمه الله د غونډو په تالار کي یو شمېر نوښتګر او ممتاز محصلین د یوې پراخي غونډي په ترڅ کي و ستایل سوه.

په دې غونډه کي د پوهنتون رهبرۍ، استادانو، اداري کارکوونکو او ګڼ شمېر محصلینو ګډون درلود.

غونډه د قرآنکریم د مبارکو آیتونو په تلاوت سره پیل سوه.

وروسته د محصلانو چارو مرستیال مفتي صدیق الله همت صاحب په خپلو خبرو کي وویل، چي په دې پروګرام کي د پوهنتون، پوهنځي او صنف په کچه ممتاز محصلین او هغه زده‌ کوونکي ستایل کيږي، چي خپلي نظري زده کړي یې په عملي بڼه پلي کړي دي.

هغه پر محصلینو ږغ وکړ، چي د نظري زده کړو ترڅنګ و عملي زده کړو ته زښته پاملرنه وکړي.

ورپسې د پوهنتون رئیس، شیخ الحدیث مفتي محمد شریف الله ابو احمد صاحب ارزښتناکه وینا وکړه.

نوموړي د نبوي حدیث شریف په استناد وویل، چي قوي مؤمن تر کمزوري مؤمن غوره دی، ځکه هغه د دین، هیواد او ټولني لپاره ډېر خدمت کوي.

نوموړي و ممتازو او نوښتګرو محصلینو ته مبارکي وویله او له نورو زده‌ کوونکو یې وغوښتل، چي په خپلو زده کړو کي هڅه وکړي تر څو په راتلونکي کي د نوښت او پرمختګ څخه برخمن سي.

هغه همداراز پر استادانو ټینګار وکړ چي د محصلینو سره د نظري زده کړو د عملي کولو په برخه کي همکاري وکړي او د هیواد علمي امانت په سمه توګه وروزي.

د پروګرام په پای کي ممتازو او نوښتګرو محصلینو ته تحفې ورکړل سوې.

د یادوني وړده، چي د پوهنتون د څېړنیز آمریت له لوري د محصلانو له خوا جوړ سوي موډلونه او ابتکارونه هم نندارې ته وړاندي سول.

تازه خبرونه

پنجشنبه, نوومبر 05 2026 10:55 AM
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه, نوومبر 02 2026 2:40 PM
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه, اکتوبر 25 2026 2:41 PM
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS