استاد او د فکري مصؤنیت مسؤلیت په اړه روزنیز سمینار ترسره سو

helmand@123
سه‌شنبه ۱۴۰۴/۷/۲۲ - ۱۶:۵۰
فکري مصؤنیت

نن د هلمند پوهنتون په مسجد کي د دعوت او ارشاد آمریت له لوري یو روزنیز او اصلاحي سمینار د استاد او فکري مصؤنیت مسؤلیت تر سرلیک لاندي تر سره سو.

دغه سمینار د دعوت او ارشاد آمر مولوي عبدالقیوم ذاکر صاحب له خوا وړاندي سو، چي د پوهنتون استادانو، اداري کارمندانو او خدماتي کارکوونکو په کښي حضور درلود.

محترم مولوي عبدالقیوم ذاکر د سمنیار د پیل پر مهال و ویل، چي استاد د امت فکري معمار او د ملت د روزني بنسټ اېښودونکی دی. نوموړي زیاته کړه، چي د استاد وجیبه یوازي تدریس نه دی، بلکي د شاګردانو فکري، اخلاقي او اسلامي روزنه هم د هغه دنده ده.

هغه وړاندي په دې اړه د نبوي احادیثو په رڼا کي استدلال وړاندي کړ، نوموړي وویل: په نبوي احادیثو کي فکري انحرافات فتنه بلل سوې، چي په خلکو کي به اوج ته ورسیږي. ( په اخر د زمانه کي به ډیري فتنې راسي، چي ډیري به یې د فکري انحرافاتو سبب وي.)

ښاغلي ذاکر صاحب د استادانو د وجیبې په اړه څرګنده کړه، چي پر استاد لازمه ده، څو د تدریس ترڅنګ د فکري مصونیت د ساتني په برخه  هم خپله علمي او شرعي وجیبه ترسره کړي، ځکه د فکري انحرافاتو خطر ورځ تر بلي زیاتېږي. د هغه په وینا، هر استاد کولای سي، د خپلي وینا، عمل او چلند له لاري د امت د فکري سلامتۍ د ساتني لامل سي او څوک چي د نیکۍ لار نورو ته وښيي، د هغوی د عمل اجر به هم ورته رسیږي.

هغه د استادانو د ارزښت په اړه وویل،  د فکري انحرافاتو او ناوړه فرهنګي اغېزو زیاتوالی د استاد رول لا مهم کړی دی او د ټولني سالم فکر یوازي د استادانو د هڅو، پوهي او سمي لارښووني له لاري خوندي کیدای سي.

تازه خبرونه

پنجشنبه, نوومبر 05 2026 10:55 AM
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه, نوومبر 02 2026 2:40 PM
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه, اکتوبر 25 2026 2:41 PM
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS