د چاپیریال ساتني د اوونۍ په پار معلوماتي پرزینټېشن وړاندي سو

helmand@123
یکشنبه ۱۴۰۳/۳/۲۰ - ۱۳:۱۱
چاپیریال ساتنه

 

نن یکشنبه په هلمند پوهنتون کي د چاپیریال ساتني د اوونۍ د لمانځ غونډي په لړ کي  معلوماتي  پرزينټېشن وړاندي سو.

یاده غونډه  چي د هلمند پوهنتون د غونډو په تالار کي وه، د مسلکي پراختیا مرکز په ګډي همکارۍ په داسي حال کي  چي د یاد پوهنتون رهبرۍ، د لښکرګاه ښاروالۍ او د چاپیریال ساتني ریاستونو استازو، استادانو، کارمندانو او محصلانو حضور درلود، د چاپیریال ساتنۍ د اوونۍ د لمانځني په پار معلوماتي پرزینټېشن وړاندي سو.

د پیل وینا  د چاپیریال ساتني رياست د اړیکو او اطلاعاتو لوی مدیر ښاغلي سید احمد نظري وکړل او د چاپیريال ساتني په اړه یې خبري وکړې.

ورپسې د چاپیریال ساتني سرپرست رئیس ښاغلي سمیع الله سالم د چاپیریال ساتني په برخه کي د خلکو د مسؤلیتونو په اړه وینا وکړه.

بیا د هلمند پوهنتون علمي مرستیال ښاغلي پوهنیار محمد نعیم دوست د پاک چاپیریال د رامنځته کولو او په ټولنه کي یې د ارزښت په باب وینا وکړله.

علمي مرستیال وویل:چیري چي سمسورتیا وي، هلته به ژوندي موجودات ته د اوسېدو معيارونه مهیا وي، نو لازمه ده، چي د خپل ژوند د بقاء لپاره د پاک چاپیریال په رامنځته کولو کي هر فرد خپل مسؤلیت وپیژنو.

د غونډي په لړ کي د نوموړي پوهنتون د مسلکي پراختیا مرکز امر ښاغلي مولوي عبدالحمید هلمندي د اسلام له نظره د چاپیریال ساتني پر موضوع رڼا واچوله.

ښاغلي هلمندي وویل :اسلام پاکي د ایمان برخه ګڼلې، پاک چاپیریال رامنځته کول يواځي ټولنیز مسؤلیت نه دي بلکي د اسلام مبارک دین خلک په پاکۍ امر کړي دي.

په وروستیو کي د انجینري پوهنځي د استاد ښاغلي پوهنمل عبدالولي هجران له لوري د چاپیریال ساتني معلوماتي پرزينټېشن وړاندي سو. چي په کښې د چاپیریال پیژندنه، د اقلیم بدلون، د رامنځته کېدو عوامل او ځيني نورو مطالب ګډونوالو ته روښانه سول.

د یادولو وړ ده، چي په دې وروستیو کي په نړیواله کچه اقلیمي بدلون د وچکالۍ او هوا د تودوخي د کچي د ډیرښت سره سره ګڼي نوري ستونزي هم رامنځته کړي، چي د ژونديو موجوداتو پر ژوند یې ډیر منفي تاثیر پر آيښی دی.

 

نېټه: ۸/۱۱/۱۴۴۵ ه.ق

هلمند پوهنتون

د عامه پوهاوي او نشراتو لوی مدیریت

تازه خبرونه

دوشنبه ۱۴۰۴/۵/۱۳ - ۱۶:۲۸
Background image

.د کیفیت لوړاوي او اعتبار اخیستني د نوي ۱۱ ګونو معیارونو د تشریح درې ورځنی ورکشاپ پیل سو

د هلمند پوهنتون د تضمین کیفیت آمریت له لوري د کیفیت لوړاوي او اعتبار اخیستني اړوند درې ورځنی ورکشاپ د دې پوهنتون په د غونډو په تالار کي پیل سو.

په ورکشاپ کي د پوهنتون مرستیالانو، د. . .

سه‌شنبه ۱۴۰۴/۵/۷ - ۱۵:۴۶
Background image

.د نبوي سنتو اهمیت د عصري ستونزو په حل کي  تر سرلیک لاندي  یو اصلاحي سمینار وړاندي سو

نن د هلمند پوهنتون د دعوت او ارشاد آمریت له لوري  د علمي فعالیتونو د دوام په لړ کي " د نبوي سنتو اهمیت د عصري ستونزو په حل کي " تر سرلیک لاندي یو  اصلاحي سمینار وړاندي سو.

دغه سمینار د. . .

دوشنبه ۱۴۰۴/۵/۶ - ۱۵:۵۸
Background image

.په علمي چارو کي د کلنۍ څارني او دوره یي ارزوني په اړه  ورکشاپ ترسره سو

 

د هلمند پوهنتون د غونډو په تالار کي د علمي چارو د کلني څارني او دوره ‌يي ارزوني اړوند مهم روزنيز ورکشاپ وړاندي سو. دا ورکشاپ د پوهنتون د پوهنځيو رئیسانو، د څانګو آمرینو او استادانو. . .

BACK TO NEWS