.هلمند پوهنتون کي د علمي مقالې لیکلو دوه ورځنی علمي ورکشاپ ترسره سو
د هلمند پوهنتون د مسلکي پرمختیا مرکز په تالار کښې، د مقالې لیکلو اړوند دوه ورځنی علمي ورکشاپ ترسره سو. په دې ورکشاپ کي د شرعیاتو پوهنځي استادان، د علماوو شورا استازي او د جهادي مدرسې علمأ کرامو ګډون کړی و.
ورکشاپ د مسلکي پرمختیا مرکز د عمومي مدیر نیاز محمد احساس لخوا وړاندي سو، نوموړي، د مقالې لیکلو بنسټیز مفاهیم، شکلي جوړښت، د منځپانګي تنظیم، د سرچینو د حواله کولو اصول او د څېړنیزو موضوعاتو د پراختیا لاري په تفصیل سره تشریح کړې.
ګډونوالو ته په دې ورکشاپ کي دا هم وښودل سوه، چي څنګه د مقالې مقدمه ولیکي، د څېړنیزو سرچینو څخه سمه استفاده وسي او د څېړنیز بحث محتوا په مسلکي ډول عیار کړي.
دغه دوه ورځنی علمي پروګرام، د ګډونوالو د پوهي د لوړولو ترڅنګ د څېړنیزو لیکنو د فرهنګ پیاوړتیا او د علمي معیارونو د عامولو هڅه وه. چي په وروستي ورځ ګډونوالو ته د پوهنتون له لوري تصدیقونه هم ورکړل سوه.
