.هلمند پوهنتون کي د نفس تزکیې تر عنوان لاندي اصلاحي سیمینار وړاندي سو
نن ورځ سه شنبه د هلمند پوهنتون د غونډو په تالار کښي د دعوت او ارشاد امریت له لوري د نفس تزکیې تر عنوان لاندي مهم اصلاحي سیمینار وړاندي سو. چي پر مهال یې د دې پوهنتون استادانو، اداري کارمندانو او خدماتي کارکوونکو ګډون درلود.
سمینار د دعوت او ارشاد د امر مولوي عبدالقیوم ذاکر صاحب له خوا پیل سو، نوموړي د نفس د تزکیې اهمیت د قرآني آیاتونو او نبوي احادیثو په رڼا کښي ذکر کړ.
ښاغلي ذاکر صاحب د خپلو خبرو په جریان کي و ویل، چي د نفس تزکیه ځکه مهمه ده، چي زموږ نېک اعمال کمزوري دي او بل لوري ته د نفسي خواهشاتو او شیطاني دسیسو سره مخ یو، د خپل نفس پېژندل او کنټرولول ستر اجرونه لري، رسول الله ﷺ فرمایي: چاچي خپل نفس و پېژندی، حقیقت کي یې خپل رب ﷻ و پېژندی.
نوموړي د سمینار په وروستیو کي د نفس د تزکیې پر لارو چارو علمي بحث وکړ او زیاته یې کړه، چي د نفس د تزکیې راوستلو مؤثري لاري د ځان سره محاسبه، د خپلو عیبونو تذکر او د غلطو صفتونو په نېکو صفتونو بدلول دي.
یاد سمينار په دعائيې ویلو سره پای ته ورسېد.
