هلمند پوهنتون کي د پوهنتون رهبري، استادانو، کارمندانو او امر بالمعروف ریاست مسؤلینو ګډه مشورتي ناسته وکړه!

helu_admin
چهارشنبه ۱۴۰۲/۶/۲۹ - ۱۰:۵۲
a
هلمند پوهنتون کي د پوهنتون رهبري، استادانو، کارمندانو او امر بالمعروف ریاست مسؤلینو ګډه مشورتي ناسته وکړه!
نېټه: ۲۸/۲/۱۴۴۵
ورځ: پنج شنبه
هلمند پوهنتون غونډو تالار کي د یاد پوهنتون رهبری، مسؤلینو، استادانو، کارمندانو او د هلمند د امر بالمعروف او نهي عن المنکر، سمع شکایاتو ریاست له مسؤلینو سره مشورتي غونډه ترسره سوه.
په پیل کي له معمول سره سم د قرانکریم څو مبارک آیتونه تلاوت سول ورپسې د هلمند پوهنتون محترم رئیس شیخ حافظ مولوي محمد نسیم حقاني صاحب وینا وکړه، نوموړي وویل: غوره خلک هغه دي، چي نورو ته خیر رسوي، ولس خپل بچیان دې اکاډمیک ماحول ته ددې لپاره رالېږي، چي په صحيح شکل یې تربیت وسي او په سالم ډول ټولني ته وړاندي سي، د زده کړیالانو عقیدوي او فکري روزني کي محترم استادان باید دیانتاً او اخلاقاً خپل مسؤلیت اداکړي.
وروسته د هلمند د امر بالمعروف او نهي عن المنکر سمع شکایاتو ریاست محترم رئیس شیخ مولوي طیبي صاحب په خپله وینا کي وویل:
د انسان فضیلت په ټولو مخلوقاتو باندې لوړ دی، د انسان قدر او حیثیت د علم په اساس وي او علم رڼا ده چي انسان ته ښکلا وربخښي.
نوموړي همدارنګه د علم پر اهمیت، ارزښت او د استادانو پر فکري جوړښت خبري وکړې او ویې ویل:
د کامل انسان چي ټولني ته یې وړاندي کوو باید په روزنه کي هر ډول هڅي وکړو او په عصري او دیني علومو یې سمبال کړو.
نوموړي د اوسني اسلامي نظا.م په ملاتړ ټینګار وکړ او زیاته یې کړه: اصلي عزت په دیني چارو کي وي، اسلامي نظا.م د بشري ځواک او مسلمه امت په سرښندونو راغلی ارام، هوسا اود امن ژوند د جها.د په برکت راپه برخه سو نو د پایښت لپاره یې باید ټول ملاتړي واوسو.
د یادي غونډي په وروستۍ برخه کي د هلمند پوهنتون د دیني او معنوي ارزښتونو د سبالښت کمیټې له لوري د *شیطان لښکر* تر عنوان لاندي جوړ سوی فکري او معلوماتي سمینار د شرعیاتو پوهنځی یو تن استاد الحاج مفتي شیراحمد عاجز صاحب وړاندي کړ نوموړي وویل: که څوک د اسلامي حکومت له امر څخه سرغړونه وکړي نو د اسلام له کړۍ څخه ووت او که یو اسلامي آمر په شرعي اصولو ثابت سو، په وړاندي یې بغاوت او سرغړونه ناروا او حرامه ده، او دا ډول کسان د شیطان لښکر بللی سو.
غونډه په اختتامیه دعا پای ته ورسېده.
هلمند پوهنتون نشراتو کمېټه

تازه خبرونه

پنجشنبه ۱۴۰۵/۸/۱۴ - ۱۰:۵۵
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه ۱۴۰۵/۸/۱۱ - ۱۴:۴۰
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه ۱۴۰۵/۸/۳ - ۱۴:۴۱
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS