هلمند پوهنتون کي د ۱۴۰۲ کال کانکور ازموینه پیل سوه!

helu_admin
شنبه ۱۴۰۲/۶/۴ - ۱۰:۲۸
image
هلمند پوهنتون کي د ۱۴۰۲ کال کانکور ازموینه پیل سوه!
نېټه: ۱۴۰۲/۵/۱۲
نن پنج شنبه د یولړ مراسمو په ترڅ کي د هلمند ولایت د کانکور ازموینه په هلمند پوهنتون کي پیل سوه چي په دې مراسمو کي د هلمند پوهنتون محترم رئیس حافظ مولوي محمد نسیم حقاني صاحب، د پوهنتون مالي او اداري مرستیال ډاکتر سمیع الله سعید صاحب، د یاد پوهنتون علمي مرستیال محترم پوهنیار محمد نعیم دوست صاحب، له کابل څخه د ازمویني د ملي ادارې د پلاوي مسؤل پوهنمل محمد فاروق حکیمي صاحب، د هلمند پوهنتون استادانو او محصلینو ګډون درلود.
په پیل کي د هلمند پوهنتون محترم رئیس حافظ مولوي محمد نسیم حقاني صاحب د غونډي ټولو ګډونوالوته ښه راغلاست ووایه وروسته يې د ازمویني د ملي ادارې له مسؤلینو او هلمند پوهنتون له استادانو څخه مننه وکړه چي د ۱۴۰۲ کال د کانکور د ګډون والو محصلینوته يې د ازمویني اړوند اسانتیاوي برابري کړي دي.
همداراز نوموړي وویل هلمند ولایت چي د افغانستان یو ستر ولایت دی په دې ولایت کي باید زیات شمېر محصلین د کانکور په ازموینوکي ګډون ولري هغه وویل په هلمند ولایت کي په ۱۴۰۲ کال کي به ۱۸۰۰ تنه محصلین ازموینه ورکړي.
د کانکور ازمویني کمیټې مسؤل پوهنمل محمد فاروق حکیمي صاحب وویل زموږ د ازمویني کمېټه هڅه کوي چي دا پروسه شفافه او له هرډول درغلیو څخه خوندي سرته ورسوي هغه د هلمند پوهنتون له استادانو څخه غوښتنه وکړه چي د ازموینو په دي پروسه کي له پوره دقت څخه کار واخلي او د ازمویني له ګډون والو سره په اړوند برخو کي مرسته وکړي.
هلمند پوهنتون نشراتو کمېټه

تازه خبرونه

پنجشنبه ۱۴۰۵/۸/۱۴ - ۱۰:۵۵
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه ۱۴۰۵/۸/۱۱ - ۱۴:۴۰
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه ۱۴۰۵/۸/۳ - ۱۴:۴۱
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS