.په علمي چارو کي د کلنۍ څارني او دوره یي ارزوني په اړه  ورکشاپ ترسره سو

helmand@123
دوشنبه ۱۴۰۴/۵/۶ - ۱۵:۵۸
د علمي چارو بیا کتنه

 

د هلمند پوهنتون د غونډو په تالار کي د علمي چارو د کلني څارني او دوره ‌يي ارزوني اړوند مهم روزنيز ورکشاپ وړاندي سو. دا ورکشاپ د پوهنتون د پوهنځيو رئیسانو، د څانګو آمرینو او استادانو لپاره ځانګړی سوی و.

د ورکشاپ په پیل کي د هلمند پوهنتون د علمي چارو مرستیال ښاغلي پوهنیار محمد نعیم دوست، د ارزوني او څارني د بهیر پر ارزښت او اړتیا خبري وکړې. نوموړي وویل، چي دا کړنلاره د لوړو زده کړو د کیفیت د لوړوالي، د تدریسي فعالیتونو د ښه والي او د حساب ورکوني د روحيې د پیاوړتیا لپاره خورا اړینه ده.

 هغه د استادانو، آمرینو او د پوهنځیو رئیسانو همکاري مهمه وبلله او ټینګار یې وکړ، چي دا بهیر باید په بشپړ جديت او دقت سره تعقیب سي.

ورپسي ورکشاپ د دې پوهنتون د کیفیت لوړاوي آمر ښاغلي پوهنیار جاهد احمد دراني له خوا وړاندي سو. نوموړي د علمي چارو د ارزوني او څارني د کړنلاري اړوند مالومات وړاندي کړل او ویې ویل، چي دا بهیر د لوړو زده کړو کیفیت ښه کولو، د تدریسي پروګرامونو د اغېزمني ارزوني او د پوهنتون د ستراتیژیکو موخو ترلاسه کولو لپاره ډېر مهم دی.

په ورکشاپ کي ګډونوالو ته دا وښودل سوه، چي څنګه باید اړوند اسناد ډک او وړاندي سي، د څارني څرنګوالی څه ډول وي او د ارزوني ټول پړاوونه څنګه عملي کیدای سي.

د ورکشاپ په بهیر کي  ګډونوالو خپلي پوښتني هم مطرح کړې، چي ښاغلي دراني پري مفصلي خبري وکړې او بشپړ وضاحت یې ورکړ.

تازه خبرونه

پنجشنبه, نوومبر 05 2026 10:55 AM
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه, نوومبر 02 2026 2:40 PM
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه, اکتوبر 25 2026 2:41 PM
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS