په هلمند پوهنتون کي د تعليم الاسلام کتاب سيالۍ د پايلو اعلان غونډه کي لسګونو محصلانو ته ارزښتناکي جايزې ورکړل سوې.

helmand@123
پنجشنبه ۱۴۰۳/۱۰/۲۰ - ۱۱:۲۰
غونډه


نېټه: ۱۴۴۶/۷/۷ هـ ق

نن چهار شنبه د هلمند پوهنتون د غونډو په تالار کښي د تعليم الاسلام کتاب سيالۍ د پايلو د اعلان غونډه ترسره سول، چي په نتيجه کي یې لسګونو ګټونکو محصلانو ته جايزې ورکړل سوې.

په غونډه کي چي د پوهنتون علمي مرستیال پوهنیار محمد نعیم دوست، ډاکټر سمیع الله سعید، مفتي صدیق الله همت، د پوهنځیو رئیسانو، منسوبینو او استادانو ګډونو کړی وو، د پیل وینا د علمي چارو مرستیال ښاغلي پوهنیار محمد دوست وکړل. هغه د سیالۍ ټولو ګډونوالو او په ځانګړي ډول ګټونکو ته مبارکي وویله او دا ډول سیالۍ یې د محصلانو د هڅوني او د علمي ظرفیت د لوړولو لپاره مهمې وبللې.

نوموړي محصلانو ته د زده‌کړي په برخه کي د دوامداره هڅي او مطالعې سپارښتني وکړې.

ورپسې د محصلانو چارو مرستیال ښاغلي مفتي صدیق الله همت هم په خپلو خبرو کي د سیالۍ په بریالیتوب خوښي څرګنده کړه او د دې ډول پروګرامونو پر اهمیت یې ټینګار وکړ. هغه وویل چي په دې سیالۍ کي د محصلانو پراخ ګډون د هغوی د تعلیمي ذوق او لېوالتیا ښودنه کوي او د ورته تعلیمي او علمي فعالیتونو د دوام اطمینان یې وړاندي کړ.

د غونډي په وروستي کي ۲۲ تنوغوره ګټونکو محصلان ته کمپیوټران او یو شمېر نوري ارزښتناکي ډالۍ ورکړل سوې.

غونډه په دعائيې سره پای ته ورسېدل

 

تازه خبرونه

پنجشنبه ۱۴۰۵/۸/۱۴ - ۱۰:۵۵
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه ۱۴۰۵/۸/۱۱ - ۱۴:۴۰
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه ۱۴۰۵/۸/۳ - ۱۴:۴۱
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS