.په هلمند پوهنتون کي د علمي شورا نهمه نوبتي غونډه ترسره سوه

helmand@123
یکشنبه ۱۴۰۴/۹/۳۰ - ۱۴:۱۹
سمینار

 

نن ورځ د هلمند پوهنتون د علمي شورا د غونډو په تالار کي د یادي شورا نهمه نوبتي غونډه د دې پوهنتون د رئیس، شیخ الحدیث و التفسیر مفتي محمد شریف الله ابو احمد صاحب، په مشرۍ ترسره سوه.

 

غونډه د قرآن کریم د څو مبارکو آیاتونو په تلاوت سره پیل سوه.

 

وروسته محترم شیخ الحدیث و التفسیر مفتي محمد شریف الله ابو احمد صاحب پرانیستونکې وینا وکړه. نوموړي په خپله ارزښتناکه وینا کي ګډونوال په چارو کي صدق او اخلاص ته راوبلل او زیاته یې کړه، چي مسؤلین باید له ورکړل سوو فرصتونو اعظمي استفاده وکړي او دغه مسؤلیتونه د الله تعالی ځانګړی فضل وبولي.

 

هغه همداراز مسؤلینو ته سپارښتنه وکړه، چي په خپلو چارو کي له غفلته ډډه وکړي او هر هغه څوک چي په کومه کمېټه کي ورته دنده سپارل سوې ده، باید هغه په بشپړ اخلاص، امانتدارۍ او شفافیت سره ترسره کړي.

 

 نوموړي د نبوي حدیث "المستشارُ مؤتمنٌ" په استناد وویل، چي د هلمند پوهنتون د علمي چارو د لا پیاوړتیا او چټکتیا لپاره ټاکل سوي مسؤلین دي نه یوازي خپلي سپارل سوي دندي په ښه ډول ترسره کړي، بلکي د علمي ارتقاء په موخه دي خپل رغنده او نېک وړاندیزونه هم له رهبرۍ سره شریک کړي.

 

د غونډي په جریان کي د مصرفي اوبو د تصفیې پر طرحه مفصل بحث وسو. همداراز د علمي څېړنو لپاره د پروپوزلونو پر جوړولو، د روان سمستر د وروستیو ازموینو د پیل او پای نېټو پر ټاکلو او یو شمېر نورو اړوندو موضوعاتو هم خبري وسوې.

 

د غونډي په وروستیو کي د بېلابېلو ادارو له لوري وړاندي سوي طرحي، پلانونه او لایحې د ګډونوالو د مثبتو نظریاتو او وړاندیزونو په رڼا کي تائید سوې.

 

غونډه د دعائیه وینا په ویلو سره پای ته ورسېده.

تازه خبرونه

پنجشنبه ۱۴۰۵/۸/۱۴ - ۱۰:۵۵
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه ۱۴۰۵/۸/۱۱ - ۱۴:۴۰
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه ۱۴۰۵/۸/۳ - ۱۴:۴۱
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS