.په ټولنیز ژوند کي د عدل په سرلیک سمینار وړاندي سو

helmand@123
سه‌شنبه ۱۴۰۴/۴/۲۴ - ۱۵:۳۹
سمینار

نن د هلمند پوهنتون د دعوت او ارشاد آمریت له لوري د پوهنتون په مسجد کي د اسلام له نظره په ټولنیز ژوند کي عدل تر عنوان لاندي اصلاحي سمینار وړاندي سو، چي په کښي د پوهنتون استادانو، اداري کارمندانو او خدماتي کارکوونکو ګډون کړی و.

غونډه د قرآن کریم په تلاوت سره پیل سوه، وروسته د دعوت او ارشاد آمر مولوي عبدالقیوم ذاکر صاحب په ټولنیز ژوند کي د عدل په اړه هر اړخیزه وینا وکړه.

نوموړي د عدل اسلامي مفهوم، د ټولنیز ژوند په بېلابېلو برخو کي یې اړتیا او د اسلامي تاریخ په رڼا کي یې  د تطبیق نمونې تشریح کړې.

ښاغلي ذاکر صاحب وویل، ټولنیز عدالت یوازي د قاضي یا حاکم مسؤلیت نه دی، دا د هر مسلمان د ژوند یوه مهمه برخه ده. نوموړي په ټینګار سره وویل،  چي ټولنه هغه وخت سوکاله او با ثباته وي، چي عدل په کښې عملي سي.

ښاغلي مولوی صاحب استادانو ته په اشاره وویل، په تدریس، ارزونو، سلوک او چلند کي باید عدالت ته لومړیتوب ورکړل سي. هغه زیاته کړه،  ازمویني، نصیحت، تشویق او جزا باید له هر ډول شخصي تمایل پرته، یوازي د حق پر بنسټ وي.

نوموړي همداراز اداري کارکوونکو ته پیغام ورکړ، چي د خدماتو وړاندي کول، تصمیم نیونه او د مراجعینو سره چلند باید د عدل پر بنسټ ترسره سي. هغه واسطه، تبعیض او سلیقوي پرېکړي د اسلامي عدالت خلاف عمل وباله.

تازه خبرونه

پنجشنبه ۱۴۰۵/۸/۱۴ - ۱۰:۵۵
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه ۱۴۰۵/۸/۱۱ - ۱۴:۴۰
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه ۱۴۰۵/۸/۳ - ۱۴:۴۱
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS