نن دوشنبه، ۲۶ / ۴ / ۱۴۰۲ نېټه هلمند پوهنتون درې ورځنی علمي او څېړنیز معلوماتي ورکشاپ پای ته ورسېد.

helu_admin
شنبه ۱۴۰۲/۶/۴ - ۱۰:۲۰
image
نن دوشنبه، ۲۶ / ۴ / ۱۴۰۲ نېټه هلمند پوهنتون درې ورځنی علمي او څېړنیز معلوماتي ورکشاپ پای ته ورسېد.
د ورکشاپ په دريمه ورځ لومړۍ موضوع (د مقالو لپاره د علمي ژورنال انتخابول، ځیني علمي ژورنالونه لکه: Elsevier, Emerald, Web of science) تر سرلیک لاندي د ښاغلي استاد پوهنیار سید عبد الوهاب سیدي صاحب له لوري وړاندي سوه، چي په یاده موضوع کي یې هر اړخیزي خبري وکړې، همدا راز د یوې ښې مقالې اړین مواد باید څه وي او له کومو غلطیو باید د مقالې په لیکلو کي ډډه وسي، اړین معلومات د ورکشاپ ګډونوالو ته وړاندي کړل.
د ورکشاپ په وروستۍ برخه کي د (پوهنتون د استادانو د علمي ترفیع شرایط او څرنګوالي) تر سرلیک لاندي موضوع د ښاغلي استاد پوهنیار محمد قاسم عادل صاحب له لوري وړاندي سوه.
نوموړي د استاد لپاره د علمي ترفیع د چمتووالي پر کړنلاره، د علمي تحقیق (اثر) په علمي ژورنال کي نشرول، په افغانستان کي د علمي ترفیعاتو مصطلحات او د علمي ترفیعاتو د مهمو شرایطو په اړه مهم توضیحات وړاندي کړل.
د موضوعاتو تر وړاندي کولو وروسته د هلمند پوهنتون د علمي چارو مرستیال ښاغلي پوهنیار محمد نعیم دوست د جاج اخیستني او ګډونوالو ته د وروستي پیغام ورکولو په موخه لنډه وینا وکړه او ګډونوالو هم خپل اړوند وړاندیزونه او نظریات ورسره شریک کړل.
یاد ورکشاپ د هلمند پوهنتون د شرعیاتو پوهنځی دروند استاد شیخ الحدیث و التفسیر مولوي غلام نبي حامدي صاحب د دعاء په کولو پای ته ورسېد.
نشراتو كمېټه

تازه خبرونه

سه‌شنبه ۱۴۰۴/۶/۴ - ۱۶:۲۸
Background image

.هلمند پوهنتون کي د دیني او اصلاحي مجلسونو د ارزښت او اغېزو په اړه سمینار ترسره سو

د هلمند پوهنتون د دعوت او ارشاد آمریت له لوري د پوهنتون په مرکزي مسجد کي د اسلام له نظره د دیني او اصلاحي مجلسونو د ارزښت او اغېزې تر عنوان لاندي یو علمي او اصلاحي سمینار جوړ سو، چي په‌. . .

دوشنبه ۱۴۰۴/۵/۱۳ - ۱۶:۲۸
Background image

.د کیفیت لوړاوي او اعتبار اخیستني د نوي ۱۱ ګونو معیارونو د تشریح درې ورځنی ورکشاپ پیل سو

د هلمند پوهنتون د تضمین کیفیت آمریت له لوري د کیفیت لوړاوي او اعتبار اخیستني اړوند درې ورځنی ورکشاپ د دې پوهنتون په د غونډو په تالار کي پیل سو.

په ورکشاپ کي د پوهنتون مرستیالانو، د. . .

سه‌شنبه ۱۴۰۴/۵/۷ - ۱۵:۴۶
Background image

.د نبوي سنتو اهمیت د عصري ستونزو په حل کي  تر سرلیک لاندي  یو اصلاحي سمینار وړاندي سو

نن د هلمند پوهنتون د دعوت او ارشاد آمریت له لوري  د علمي فعالیتونو د دوام په لړ کي " د نبوي سنتو اهمیت د عصري ستونزو په حل کي " تر سرلیک لاندي یو  اصلاحي سمینار وړاندي سو.

دغه سمینار د. . .

BACK TO NEWS