.هلمند پوهنتون کي د سلګونو محصلانو څخه د تعلیم الاسلام سیالۍ ازموینه واخيستل سوه

helmand@123
دوشنبه ۱۴۰۳/۹/۲۶ - ۱۱:۵۶
تعلیم الاسلام

نېټه: ۱۴۴۶/۶/۱۴ ه.ق

نن دوشنبه د هلمند پوهنتون په انګړ کي د ۴۰۰ تنو محصلانو څخه د تعلیم الاسلام سیالۍ ازموینه واخیستل سوه. چي پر مهال یې د پوهنتون مسؤلینو او استادانو حضور درلود.

دغه سیالي د لوړو زده کړو وزارت په لارښوونه د هلمند پوهنتون د محصلانو چارو معاونیت له لوري راپیل سوې، چي د سیالۍ د پرانیستي په مراسمو کي ددې پوهنتون د محصلانو چارو مرستیال مفتي صدیق الله همت ګډونوالو ته په وینا کي وویل، د دې پروګرام هدف د محصلانو د اسلامي پوهي لوړول او دیني زده کړو ته د هغوی د علاقې زیاتول دي. هغه زیاته کړه چي  داسي سیالۍ د محصلانو په فکري او علمي ودي کي مهمه ونډه لري.

نوموړي د بریالیو محصلانو د انعامونو په اړه وویل، چي ګټونکو محصلانو ته ګڼي جایزې، کمپیوټرونه او نور ارزښتناک شیان په نظر کي نیول سوي دي، چي بریالیو محصلانو ته به له اعلان وروسته وسپارل سي.

باید وویل سي، چي د دې سیالۍ د ترسره کولو بهیر په څو پړاوونو کي وو، لومړی محصلانو د ګډون لپاره نوملیکنه وکړه او د پوهنتون له لوري د ماخذ په توګه ورته د تعلیم الاسلام کتاب ورکړل سو. چي د مطالعې د ټاکل سوي وخت وروسته د محصلانو څخه ازموینه واخیستل سوه.

تازه خبرونه

پنجشنبه ۱۴۰۵/۸/۱۴ - ۱۰:۵۵
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه ۱۴۰۵/۸/۱۱ - ۱۴:۴۰
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه ۱۴۰۵/۸/۳ - ۱۴:۴۱
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS