.په هلمند پوهنتون کي د ښوونځیو زدهکوونکو لپاره د لابراتواري تجربو لړۍ پیل سوه
هلمند پوهنتون د معارف ریاست سره د دوامداره همکاریو په لړ کي د دوی اړوند د ښوونځیو زدهکوونکو ته د لابراتواري تجربو سلسله پیل کړه.
په دې لړۍ کي به سلګونو زده کوونکو ته دا فرصت برابر سي، چي د پوهنتون په لابراتوارونو کي عملي تجربې له نږدې وګوري او د کیمیا، فزیک او بیولوژي په برخو کي بېلابيلي تجربې زده کړي.
د معارف استازي د پوهنتون له دې اقدام خوښي څرګندوي او زیاتوي ، خوښ دي، چي پوهنتون د تجربو انتقال ته زمینه برابرې کړې او ددې علمي دوامداره پروګرام له لاري غواړي ښوونځیو ته عملي زدهکړي ورسوي. دوی وايي، په دې بهیر کي به سلګونه زده کوونکي له نظري زده کړي څخه عملي چارو ته لاره پیدا کړي.
د پوهنتون مسؤلین وايي، دا لړۍ به د ښار ټولو ښوونځیو ته وغځول سياو د پوهنتون استادان به هڅه وکړي زدهکوونکو ته مهمي او عملي تجربې وړاندي کړي.
