.د ننګرهار او هلمند پوهنتونونو تر منځ د ګډو همکاریو هوکړه لیک لاسلیک سو
د هوکړي له مخي به د هلمند او ننګرهار پوهنتونونه به په ګډه د دریو کلونو لپاره د څېړنو، مقالو نشر، استادانو او محصلینو روزنیزو پروګرامونو او د علمي ـ څېړنیزو اثارو ارزوني په برخه همکاري کوي. همدا راز د څېړنو په برخه به د نوښتونو د تعقیب په موخه خپلي تجربې له یو بل سره شریکوي.
یاد هوکړه لیک د هلمند پوهنتون د علمي مجلو آمر پوهنمل دوکتور نور احمد ایمل او د ننګرهار پوهنتون د څېړنو او علمي مجلو مرستیال پوهندوی دوکتور سعید محمد وقار تر منځ د ننګرهار پوهنتون ریاست مقام کي پر داسي مهال لاسلیک سو، چي د هلمند پوهنتون یو شمېر استادانو او د کوربه پوهنتون رئیس شـ/یخ انعام الله مدني هم حضور درلود.
مسؤلینو، دا هوکړه لیک د دواړو پوهنتونونو لپاره د څېړنیزو اړیکو پراختیا، ګډو اکاډمیکو فعالیتونو ترسره کولو او تجربو شریکولو په برخه کي اغېزناک ګام بللی او د تطبیق او همکاریو د دوام په اړه یې ډاډ وړاند کړ.
