.د هلمند پوهنتون رئیس د مشرتابه مقام د ۳ یمه ګڼه هدایت تشریح وړاندي کړه

helmand@123
پنجشنبه ۱۴۰۴/۹/۶ - ۱۴:۴۲
سمینار

نن د هلمند پوهنتون په مرکزي مسجد کي د عالیقدر امیرالمؤمنین حفظه الله و رعاه د فرمانونو د تشریح په لړ کي د ۳ يمي ګڼي هدایت تفصیلي تشریح وړاندي سوه. په دې علمي او دیني سمینار کي د پوهنتون رهبرۍ، د پوهنځیو رئیسانو، د څانګو آمرینو او استادانو ګډون کړی و.

سمینار د هلمند پوهنتون د رئیس محترم الحاج شیخ الحدیث و التفسیر مفتي محمد شریف الله ابو احمد صاحب په وینا پیل سو.

 نوموړي د مشرتابه مقام درېیمه ګڼه مهم فرمان، چي د ۱۴۳۷ هـ ق د شوال پر ۵ مه نېټه صادر سوی و، تشریح کړ. د دغه فرمان له مخي، که د مخالفي ډلي کوم کس له جګړې لاس واخلي او اسلامي امارت ته پناه وروړي، نو اسلامي امارت ته لازمه ده، چي هغه ته پناه، امنیت او بشپړ امان ورکړي او د هر ډول زیان څخه یې خوندي وساتي.

محترم  ابو احمد صاحب په خپلو څرګندونو کي وویل، چي په اسلامي نظام کي د بهتان، تخریب، بې‌ اساسه تورونو او ناحقه بدنامولو ځای نسته. هغه زیاته کړه، چي که څوک د اسلامي نظام په اړه ناسمي خبري کوي، د الله جل جلاله څخه دي د عفوي غوښتنه وکړي. نوموړي ټینګار وکړ، چي د پردیو په اشاره او د بهرنیو په لمسون د اسلامي نظام پر ضد د هر ډول فعالیت مخنیوی اړین دی.

په وینا کي د پناه ورکولو ارزښت د اسلامي شریعت له مخي  تشریح سو. محترم شیخ صاحب وویل، که یو ظالم کس هم د یوه مسلمان تر پناه لاندي راسي، نو د ټولو مسلمانانو شرعي مکلفیت دی، چي د هغه پناه ته درناوی وکړي. اسلام د امنیت، سوکالۍ او انساني کرامت دین دی او هیڅکله ناحقه وژنه، وحشت او ترهګري نه مني. نوموړي د فرمان د محتوا په استناد یادونه وکړه، چي کله یو کس ته د امان وینا ورکړل سي، بیا د هغه پر ژوند تېری د اسلام له اصولو سره هیڅ سمون نه لري.

همدارنګه په غونډه کي ټینګار وسو، چي د اسلامي نظام ساتنه د هر وګړي شرعي او ملي مسؤلیت دی. ګډونوالو ته دا یادونه هم وسوه، چي هيچا ته باید اجازه ور نه کړل سي، تر څو د خلکو تر منځ فتنه، ورانکاري او بې‌اتفاقي خپره کړي.

غونډه د دعائیه ویناء په ویلو سره پایته و رسېدل.

تازه ترین اخبار

Wed, May 03 2023 8:34 AM
Background image

په هلمند پوهنتون کي د زرګونو علماءو د لویي دورې سندونو د ارزوني ازموینه ترسره سوه!

ورځ: سه شنبه
نېټه: ۱۴۴۴/۱۰/۱۱
 هلمند پوهنتون  نن د علماءو د لویي دورې سندونو د ارزوني په پار زرګونو علماءو د ازمویني کوربه و، چي د یادي ازمویني په افتتاحیه مراسمو کي د لوړو زده کړو. . .

Tue, Feb 07 2023 10:43 AM
Background image

اطلاعه تبدلیي محصلان از روزانه به شبانه

همانطوریکه در جریان هستید، بر اساس تصمیم شورای وزارت تحصیلات عالی، تبدیلدی محصلان از پوهنتون های روزانه به شبانه تا اطلاع ثانوی متوقف شده بود،
بر اساس دستور جدید وزارت محترم تحصیلات. . .
Thu, Jan 26 2023 10:12 AM
Background image

هلمند پوهنتون کي د اسلامي ثقافت نویو معرفي سویو علماء کرامو استادانو د معرفت او ښه راغلاست غونډه دایره سوه!

ورځ: چهار شنبه
نېټه: ۱۴۴۴/۷/۳
هلمند پوهنتون د غونډو تالارکي د شرعیاتو پوهنځی اړوند د اسلامي ثقافت څانګي ته د شل تنه د نوي معرفي سوي استادانو، د ښه راغلاست په موخه غونډه دایره سوه. . .

BACK TO NEWS