.د هلمند پوهنتون د کرهڼي پوهنځي محصلینو د سړو خونو څخه لیدنه وکړه
د هلمندپوهنتون د کرهڼي پوهنځی د هارټیکلچر څانګي د درېیم او څلورم ټولګیو ۲۴ تنه محصلینو د خپلو عملي زده کړو د پیاوړتیا په موخه، د لارښود استادانو پوهنمل حکمت الله ځلاند او پوهنمل ایمل ناهز تر لارښووني لاندي، دلښکرګاه ښار اړوند د حاجي دوست محمد د مېوه جاتو او سبزیجاتو له سړو خونو څخه علمي لیدنه ترسره کړه.
د لیدني پر مهال، محصلینو د سړې خوني د تخنیکي سیستمونو، د حرارت درجې د کنټرول مژتودونو، د محصولاتو د ساتني معیاري شرایطو او د مدیریت له پروسو سره عملي بلدتیا ترلاسه کړه.
بل خوا محصلینو د دې علمي سفر څخه خوښي څرګنده کړه او دا ډول عملي لیدني یې د خپلو علمي ظرفیتونو د لوړولو لپاره ډیري ګټوري وبللې او د پوهنتون د رهبرۍ څخه یې مننه وکړه، چي د عملي زده کړو د ترلاسه کولو له پاره یې د علمي سفرونو زمینه سازي کړې ده.
