د هلمند پوهنتون د رئیس پیغام 

 

 

۱ کال ۱ میاشت ago

د هلمند پوهنتون د رئیس پیغام!

علمي بنسټونه او اکاډمیک مراکز د ټولني د پرمختګ او سوکالۍ لپاره اساسي رول لري. دا مراکز د تحقیق، نوښت او د بشري پوهي د ودي لپاره کار کوي، ترڅو د ټولني اړتیاوو ته ځواب ووایي او د خلکو د سوکاله راتلونکي لپاره لار هواره کړي.

د حقیقي سعادت راز د علم، تقوی او اخلاص په ترکیب کي نغښتی دی. شرعي، ساینسي او مسلکي پوهه هغه وسیله ده چي انسانان د حقیقت دروازې ته رسوي او د تمدنونو د ودي لامل ګرځي.

هلمند پوهنتون، د افغانستان د معتبر او مخکښ اکاډمیک بنسټ په توګه، ژمن دی چي د متخصصو، متعهدو اومذهب او وطن‌پالو کادرونو د روزنې، د علم د ودي او د ټولني د پرمختګ لپاره نه ستړي کېدونکي هڅي وکړي. زموږ هدف دا دی چي د دیني، ساینسي او مسلکي زده‌کړو له لاري یو سوکاله او پرمختللی نسل وروزو، چي نه یوازي خپل هیواد ته خدمت وکړي، بلکي د نړیوال علمي ډګر یو فعال غړی هم ووسي.

موږ باور لرو چي د علم، اخلاقو او کار متمرکزه هڅه کولای سي زموږ ملت ته روښانه راتلونکی ور وبخښي. نو ځکه، هلمند پوهنتون به د ملي، سیمه‌ییزو او نړیوالو علمي ادارو سره د همکارۍ او د عصري، مسلکي او شرعي علومو د پراخولو لپاره خپلي هڅي جاري ساتي.

شیخ الحدیث مفتي شریف الله ابواحمد
د هلمند پوهنتون رئیس