.د هلمند پوهنتون رئیس د استادانو سره مشورتي ناسته ترسره کړه

helmand@123
پنجشنبه ۱۴۰۴/۱۱/۹ - ۱۴:۲۹
سمینار

نن د هلمند پوهنتون په مرکزي جومات کي د یاد پوهنتون رئیس، شیخ الحدیث والتفسیر مفتي شریف‌الله ابو احمد صاحب، د پوهنځیو له رئیسانو، آمرینو او استادانو سره مشورتي ناسته ترسره کړه.

د ناستې په پیل کي محترم مفتي صاحب په خپله وینا کي وویل، چي د مسؤلینو او استادانو په توګه موږ ته ګڼ شمېر دنیوي او اخروي مکلفیتونه را سپارل سوي دي. نوموړي استادانو ته وویل، چي نوی سمسټر د پیلېدو په حال کي دی، نو اړینه ده چي له بشپړ چمتوالي سره یې پیل کړي او د تدریس کیفیت لا پیاوړی کړي؛ ځکه کورنۍ د همدې پوهنتون د استادانو پر اعتبار خپل اولادونه دې علمي بنسټ ته رالېږي.

هغه زیاته کړه، چي دا یو لوی دنیوي او اخروي مسؤلیت دی، چي باید د دین، مذهب او د ټولني د بقا په رڼا کي په ښه توګه ادا سي. مفتي صاحب همدارنګه ټینګار وکړ، چي محصلین باید د مسلکي زده‌کړو تر څنګ له دیني او معنوي ارزښتونو سره هم اشنا سي او په دې برخه کي ټول استادان ستر مسؤلیت لري.

د پوهنتون رئیس صاحب د تدریسي کیفیت د لوړولو پر اهمیت هم خبري وکړې او ویې ویل، چي استادان باید د محصلینو پر روزنه بشپړ تمرکز وکړي، د وخت له غوښتنو سره سم نوي او ګټور معلومات محصلینو ته انتقال کړي او د تدریس معیارونه لا لوړ کړي. نوموړي همدارنګه د تدریسي بهیر د پیاوړتیا لپاره د یوې باصلاحیته کمېټې د جوړېدو خبر ورکړ، چي د تدریسي چارو دوامداره ارزونه وکړي او د موجوده ستونزو د حل لپاره مناسبي لاري چاري ولټوي.

ورپسې د هلمند پوهنتون د علمي چارو مرستیال، پوهنیار محمد نعیم دوست صاحب، هم وینا وکړه. هغه د کیفیت لوړاوي پروسې د معیارونو پر تطبیق، د ارزوني پر تګلاري او د استادانو د مسؤلیتونو په اړه تفصیلي خبري وکړې.

محترم دوست صاحب وویل، چي دا مهال په هیواد کي سرتاسري امنیت ټینګ دی او اسلامي نظام تر بل هر وخت پر تعلیمي بنسټونو ډېر لګښتونه کوي؛ نو د پرمختګ لپاره یې له استادانو وغوښتل، چي د ځوانو محصلینو په اغېزمنه او مستعده روزنه کي خپلي نه ستړي کېدونکي هلي ځلي وکړي.

د ناستي په وروستي کي پر یو شمېر تدریسي چارو د ګډونوالو سره مشورې ترسره سوې او د تدریسي کیفیت د لوړولو په برخه کي یې پر عملي کولو هم بحث ترسره سو.

ناسته په دعائیې وینا سره پای ته ورسېده.

 

 

تازه خبرونه

پنجشنبه ۱۴۰۵/۸/۱۴ - ۱۰:۵۵
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه ۱۴۰۵/۸/۱۱ - ۱۴:۴۰
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه ۱۴۰۵/۸/۳ - ۱۴:۴۱
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS