جديدالتقرر کارمندانو ته د اداري مراسلاتو د پيژندني روزنيز سمينار وړاندي سو
نېټه: ۱۴۴۶/۴/۲۱ هـ ق
نن پنج شنبه د هلمند پوهنتون د غونډو په تالار کښي د هلمند پوهنتون د مالي او اداري معاونیت اړوند بشري سرچینو آمریت د پلان په اساس د هلمند اداري اصلاحاتو رياست د استازي له لوري د اداري مراسلاتو د پېژندني سمينار د پوهنتون کارمندانو ته وړاندي سو.
د هلمند اداري اصلاحاتو رياست استازي دين محمد رحيمي د هلمند پوهنتون جديدالتقرر کارمندانو ته د اداري مراسلاتو د پيژندني، معياري کولو، د ښو اړيکو ټينګولو، د ليکنيزو مهارتونو او د نښه ايښودني قواعدو په اړه علمي او تشريحي سمينار وړاندي کړ.
دغه راز د سمينار په بهير سوال او ځواب هم ترسره سو او د ګډونوالو پوښتنو ته ځوابونه وويل سول.
بايد وويل سي، چي هلمند پوهنتون د ګڼو رياستونو سره د ګډو همکاريو دوه اړخيزه هوکړه ليکونه لاس ليک کړي، تر څو په شريکه توګه د مشترکو سرچينو څخه د وړتيا لوړوني او تجربو شريکولو په برخه کي متقابله همکاري وکړي.
