.هلمند پوهنتون کي لید د ټولنیزو علومو علمي مجلې د مخکتني غونډه ترسره سوه

helmand@123
پنجشنبه ۱۴۰۳/۱۱/۱۸ - ۱۴:۱۷
لید

نېټه: ۷/۸/۱۴۴۶ ه.ق کال

نن  پنجشنبه د هلمند پوهنتون د مسلکي پراختیا مرکز په تالار کښي لید د ټولنیزو علومو علمي مجلې د مخکتني غونډه ترسره سوه. یاده مجله چي یوه میاشت مخکي چاپ سوې ده، د علمي څېړنو د ودي او پراختیا لپاره د دې پوهنتون یوه مهمه لاسته راوړنه بلل کيږي.

په دې غونډه کي د هلمند پوهنتون رئیس شیخ الحدیث مفتي محمد شریف الله صاحب، مسؤلینو، منسوبینو، استادانو او اداري کارکوونکو ګډون کړی و.

د غونډې د پیل وینا د یادي علمي مجلې آمر ښاغلي دوکتور نور احمد ایمل وکړه. هغه د مجلې د چاپ، د هیواد بېلابېلو برخو ته د وېش او نورو اړوندو چارو په اړه ګډونوالو ته معلومات ورکړل. نوموړي د علمي مجلو د کیفیت د لا لوړولو لپاره  له استادانو او څېړونکو د مشورو او سپارښتنو شریکولو غوښتنه وکړل.

ورپسې د هلمند پوهنتون د علمي چارو مرستیال ښاغلي پوهنیار محمد نعیم دوست، د لید مجلې د آمریت او شاملو خواوو د هڅو ستاینه وکړه. نوموړي له څېړونکو وغوښتل چي په خپلو څېړنیزو فعالیتونو  کي لومړیتوب دي د سیمي او هیواد مهمو ټولنیزو ستونزو ته ورکړي او د هغو د حل لپاره دي علمي او تحلیلي مقالې چمتو کړي.

دغونډي په منځنۍ برخه کي د علمي بورډ له خوا د مجلې د منځپانګي، جوړښت او کیفیت د لا ښه والي لپاره یو شمېر ارزښتناکي سپارښتني او مشورې وړاندي سوې.

د غونډي په وروستي بهیر کي د هلمند پوهنتون رئیس د یاد آمریت او ملګري ټیم هلي ځلي د ستایني وړ وبللې.

نوموړي د دوی د مسؤلیتونو په توګه څرګنده کړه، چي څېړنیز فعالیتونه د ټولني د پرمختګ، ودي او پراختیا لپاره  ارزښتمند او د ملي فکر له مخي ورته بشپړه  پاملرنه کول د دې ټولني اړتیا ده.  هغه په تحقیقاتي برخو کي د یاد آمریت سره د هر راز همکارۍ او ملاتړ ډاډ وړاندي کړ.

تازه خبرونه

پنجشنبه ۱۴۰۵/۸/۱۴ - ۱۰:۵۵
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه ۱۴۰۵/۸/۱۱ - ۱۴:۴۰
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه ۱۴۰۵/۸/۳ - ۱۴:۴۱
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS