د ښوونې او روزنې پوهنځي په (۱۳۸۸ هـ ش) کال د هلمند پوهنتون په چوکاټ کې منظوره او په (۱۳۸۹ هـ ش) کال يې  په رسمي ډول خپلې اداري، علمي او اکاډمیکې چارې د شپږو څانګو (کیمیا، پښتو، ریاضي، فزیک، بیولوژي، انګلیسي) په منظورۍ سره پیل کړې. د پوهنځي تدریسي چاري په (۱۳۸۹ هـ ش) کال د سنبلې میاشتي په شپاړسمه نېټه د کیمیا څانګې په فعاله کېدو سره پیل شوې دي.

اوسمهال د ښوونې او روزنې پوهنځي شاوخوا (۵۳۶) تنه زده کړیالان لري ،چې د (۴۳) تنو رسمي استادانو له خوا یې د تدریس چاري پرمخ بيول کېږي او ترڅنګ یې (۳) تنه اداري کارکوونکي او (۲) تنه خدماتی کارکونکی  لري.

۱:ليرليد( Vision):

د لوړو زده کړو او پوهنتوني معیارونو او کړنلارو اړوند د درسي موادو معیاري کول د اکاډمیکو او اداري کړنو لاقوت، د ټولو داخلي پوهنتونونو او ورته پوهنځيو سره په درسي، اداري او اکاډمیکو چارو کې مثبته سیالي او ټولنې ته په کارپوه، مسلکي کادرونه وړاندې کول.
 

۲: رسالت Mission:

د پوهنځي علمي او اکاډمیک فعالیت لپاره د مناسب علمي او درسي چاپیریال چمتو کول، زده کړیالانو ته تفریحي او سپورتي زمینه او سهولتونه برابرول  او په ټولو علمي ، اداري او ټولنیزو چارو کې ځانګړې کړنې ترسره کول.
 

۳:موخې Objectives:

د علم او پوهې انتقال په اغیزناکه توګه، ټولنې ته په وړتیا او پوهې سمبال کادرونه وړاندې کول، ساینس،ټکنالوژي، داخلي او نړيوالو ژبو ته قوت ورکول، په اداري چارو کې نظم او مناسبه چټکتیا رامنځته کول.

۴: د ښوونې او روزنې پوهنځي  تشکيلاتي جدول:  

احصائيه	استادان		کار کوونکي
بستونه	کادري	افتخاري	مامورين	اجيران	خدماتي کارمند
د تشکيل له مخي	۴۵	-	۳	۱	۱
پر دنده	۴۳	۳	۳	۱	۱