د ازموینو لړۍ!!!
د ازموینو لړۍ!!!
یقینا ازموینې د علمي او اکاډمیکو مرکزونو د تحصیلي او زده کړه یېز بهېر له پړاوونو څخه مهم پړاو ګڼل کېږي، ځکه د تدریسي بهېر ځنځیري اتکړۍ بشپړوي.
هلمند پوهنتون هم د خپل تدریسي جریان له بشپړولو سره سم د ازموینو لړۍ پیل کړې ده، چې د لوړو زده کړو وزارت د مهالویش سره سم به مخ پر وړاندي درومي.
د پوهنتون رهبري د ازموینو له پیل څخه مخکې له ټولو پوهنځیو او څانګو غوښتي و،چې د لوړو زده کړو وزارت د ازموینو لایحې د بشپړ رعایت ترڅنګ اصولو ته ژمنتیا او د ازموینو روڼتیا ته باید پاملرنه وکړي؛ هلمند پوهنتون شپږ پوهنځي او اوه لس (١٧) څانګې لري، چې د خپلو شته امکاناتو په درلودلو سره هڅه کوي، تر څو د ازموینو یاده پروسه له ځنډ او خنډ سره مخ نه شي، بشپړ شفافیت را منځ ته شي او د قوانینو په وړاندې د مثبت ځواب درلودونکې وي.
پوهنتون د ازموینو عمومي کمېټې تر څنګ د پوهنځیو ځانګړې کمېټې لري، نوموړي کمېټې په بشپړ توان سره کار کوي، تر څو د ازموینو یاده لړۍ تکمیل شي؛ بریاوي یې مل اوسه!
درنښت
هلمند پوهنتون د نشراتو کمېټه
