.د لوړو زده کړو وزارت مالي او اداري چارو معین د هلمند پوهنتون د روانو پرمختیايي پروژو څخه لیدنه وکړه
نېټه: ۱۵/۷/۱۴۴۶ ه.ق کال
د لوړو زده کړو وزارت د مالي او اداري چارو معین حافظ مولوي محمد حامد حسیب د هلمند پوهنتون د مسؤلینو په ملتیا ددې پوهنتون د سړکانو د قیررېزۍ او د تالارونو د جوړولو پروژې لیدنه وکړل او د یادو پروژو د پرمختګ او روان وضعیت په اړه یې خوښي وښوده.
د دې لیدنې په ترڅ کي معین صاحب د روانو پرمختیایي پروژو د ښه تطبیق په برخه کي د پوهنتون مسؤلینو ته یو شمېر سپارښتني وکړلې.
دغه راز په دې لیدنه کي نوموړي د یو شمير بشپړ سوو پروژو د پوهنتون د وسایطو پارکینګ ، شنې تپې او د سرسبزۍ برخو چاري هم ښه و ارزولې او په دې برخه کي يې د پوهنتون د مسؤلينو د هڅو ستاينه او قدر داني وکړل.
په دې لړ کي نوموړي ددې پوهنتون د مسؤلینو سره د لیدني پر مهال د هغوی ستونزي له نږدې واورېدې او د حل لپاره یې بشپړ ډاډ وړاندي کړ.
د لوړو زده کړو وزارت مسؤلین په دوامداره توګه د هېواد د پوهنتونونو د پرمختیا لپاره کار کوي او هڅه کوي چي د علمي بنسټونو اړتیاوي په اغېزمنه توګه پوره کړي.
