د هلمند پوهنتون استادانو او زده کړیالانو ته د Mendeley پروګرام اړوند ورکشاف وړاندي سو!
د هلمند پوهنتون استادانو او زده کړیالانو ته د Mendeley پروګرام اړوند ورکشاف وړاندي سو!
ورځ: شنبه
نېټه: ۲۲/۷/۱۴۰۲
د هلمند پوهنتون د څېړونو آمریت په همکارۍ د پوهنيار عبدالوحید زیار لخوا د هلمند پوهنتون استادانو او زده کړیالانو ته د Mendeley پروګرام اړوند ورکشاف وړاندي سو.
ياد پروګرام چي د مأخدونو په ترتیب کي د نړۍ په کچه یو پېژندل سوی پروګرام دی، د څېړونکو او لیکوالولانو سره په معیاري ډول د لیکنو په مستند کولو (Citation) او مأخدونو په تنظیم کي پوره مرسته کوي.
پدې ورکشاف کي ګډونوالو ته د نوموړي پروګرام فعالول، د پروګرام کتابتون ته د علمي اثارو اضافه کول، په Word پروګرام کي د متن مستند کول (Citation) او د مأخدونو د لیست کولو طریقې په عملي بڼه وښودل سوې. ددې پروګرام د سترو ځانګړتیاوو څخه یو دا چي یاد پروګرام په بشپړ ډول وړیا دی او بل دا پروګرام تر فعالولو وروسته پرته له انټرنیټ څخه هم د کار اخیستني وړ دی.
د هلمند پوهنتون د علمي معاون په وینا دا ډول ورکشافونه کولای سي د څېړونکو سره د نړیوالو مقالو په لیکلو کي زیاته مرسته وکړي. د ورکشاف په وروستيو کي پوهنیار زیار د ورته اکاډومیکو پروګرامونو اړوند د ورکشافونو دایرولو لپاره خپل چمتووالی وښود.
هلمند پوهنتون نشراتو کمېټه
