.د هلمند پوهنتون رئیس د ازموینو د صحنو څخه لیدنه وکړه
نن ورځ یکشنبه د هلمند پوهنتون رئیس، شیخ الحدیث و التفسیر مفتي محمد شریف الله ابو احمد صاحب د پوهنتون د روانو شل سلنو ازموینو د صحنو څخه لیدنه وکړه او د ازموینو بهیر یې له نږدې وڅاره.
په دې لیدنه کي د هلمند پوهنتون علمي مرستیال پوهنیار محمد نعیم دوست، مالي او اداري مرستیال الحاج مولوي حبیب الرحمن حبیب، د محصلانو چارو مرستیال مفتي صدیق الله همت، د کیفیت لوړاوي آمر پوهنیار جاهدالله درانی او د اړیکو او عامه پوهاوي آمر مولوي عبدالباري حنظله هم حضور درلود.
د لیدني پر مهال د پوهنتون رئیس د ازموینو د صحنو څخه لیدنه وکړه، د ازموینو پاڼي یې وکتلې او د ازموینو د بهیر د څرنګوالي په اړه یې د محصلانو نظرونه واورېدل. نوموړي د محصلانو څخه د هغوی د رضایت پوښتنه هم وکړه او ټینګار یې وکړ، چي ازمویني باید په منظم او شفاف ډول ترسره سي.
ښاغلي ابو احمد صاحب د محصلانو سره په خبرو کي هغوی وهڅول، چي د سوالونو په حل کولو کي پوره هڅه وکړي او د مایوسۍ څخه ځان وساتي.
د یادوني وړ ده چي د هلمند پوهنتون رهبري وخت پر وخت د ازموینو او تدریسي بهیر څخه لیدنه کوي، څو د زده کړو کیفیت او د ازموینو شفافیت لا پیاوړی سي.
