.د کیفیت لوړاوي او اعتبار اخیستني د نوي ۱۱ ګونو معیارونو د تشریح درې ورځنی ورکشاپ پیل سو

helmand@123
دوشنبه ۱۴۰۴/۵/۱۳ - ۱۶:۲۸
ورکشاپ

د هلمند پوهنتون د تضمین کیفیت آمریت له لوري د کیفیت لوړاوي او اعتبار اخیستني اړوند درې ورځنی ورکشاپ د دې پوهنتون په د غونډو په تالار کي پیل سو.

په ورکشاپ کي د پوهنتون مرستیالانو، د پوهنځیو رئیسان، د څانګو آمرین او نور علمي غړي ګډون لري.

یاد ورکشاپ د کیفیت لوړاوي او اعتبار اخیستني د نوي تصویب سویو ۱۱ معیارونو پر تشریح تمرکز لري، چي وړاندي کوونکی یې د دې پوهنتون د کیفیت لوړاوي آمر پوهنیار جاهد احمد درانی دی. نوموړي د پيل په وینا کي د پخوانیو او نویو معیارونو تر منځ توپیرونه روښانه کړل او د نوو معیارونو اهمیت یې په بنسټیز ډول تشریح کړ.

ددې ورکشاپ موخه دا ده، چي د پوهنتون اداري او علمي غړي د کیفیت د تضمین په نويو میتودونو وپوهېږي او دا معیارونه په خپلو واحدونو کي تطبیق کړي.

په دې  ورکشاپ کي به ګډونوال د دغو معیارونو د پلي کولو عملي لاري چاري وپېژني، د هر معیار لپاره اړین اسناد او شواهد وپیژني او دا زده کړي به خپلو پوهنځیو او څانګو ته ولېږدوي.

باید یادونه وسي، چي دا ورکشاپ به د دریو ورځو په اوږدو کي د عملي تمرینونو، بحثونو او د نظرونو د تبادلې له لاري دوام ومومي.

 

تازه خبرونه

پنجشنبه ۱۴۰۵/۸/۱۴ - ۱۰:۵۵
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه ۱۴۰۵/۸/۱۱ - ۱۴:۴۰
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه ۱۴۰۵/۸/۳ - ۱۴:۴۱
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS