نن یکشنبه، ۲۵ / ۴ / ۱۴۰۲ نېټه هلمند پوهنتون دوهمه ورځ هم د علمي او څېړنیز معلوماتي ورکشاپ کوربه و.
نن یکشنبه، ۲۵ / ۴ / ۱۴۰۲ نېټه هلمند پوهنتون دوهمه ورځ هم د علمي او څېړنیز معلوماتي ورکشاپ کوربه و.
د غونډي پیل د کلام الله د څو مبارکو ایاتونو په تلاوت سره وسو.
د ورکشاپ په دوهمه ورځ کي لومړی موضوع ( کتابتوني او ساحوي څېړني) تر سرلیک لاندي د ښاغلي دوکتور پوهنمل نوراحمد ایمل له لوري وړاندي سوه، چي په یاده موضوع یې هر اړخیز بحث وکړ، د څېړني له انګېزې نیولي بیا د کتابتوني او ساحوي څېړني تر ډولونو، پوښتنپاڼو، مرکو او نورو اهمو موضوعاتو پوري په جامع او مانع ډول وشنل سول.
ورپسې د( د څېړنو مخکنیو اثارو ته کتنه) تر سرلیک لاندي موضوع د ښاغلي پوهنمل عبدالولي هجران له لوري وړاندي سوه.
نوموړي علمي اثارو ته کتنه د څېړنې له اساساتو وګڼله، ګټي، ډولونه او نمونې یې په ښکلي فصاحت سره وړاندي کړې.
په پای کي د ورکشاپ دوهمه ورځ د دعایې په کولو سره پای ته ورسېده.
هلمند پوهنتون د نشراتو كمېټه
