.هلمند پوهنتون کي  د اسلام له نظره د ځوان مسؤولیتونه په اړه سلګونو محصلانو ته تربیوي سمینار وړاندي سوي

helmand@123
پنجشنبه ۱۴۰۴/۹/۶ - ۱۴:۳۹
سمینار

 

د هلمند پوهنتون امام ابوحنیفه رحمه الله مسجد جامع کي، د ښووني او روزني پوهنځی سلګونو محصلانو ته د دعوت او ارشاد آمریت له لوري یو مهم تربیوي سمینار وړاندي سو. 

په دې سمینار کي د اسلام له نظره د ځوان د شخصیت جوړښت، اخلاقي ارزښتونو، ټولنیز رسالت او فکري هوښیارۍ په اړه د دعوت او ارشاد  آمر محتر مولوي عبدالقیوم ذاکر صاحب له لوري تفصیلي وینا وسوه.

په سمینار کي وويل سول، چي ځوان د أمت د راتلونکي اصلي ستن ده او لازمه ده چي خپل ژوند د اسلامي اخلاقو پر بنسټ جوړ کړي. محصل باید د حیاء، تضرع، رښتینولۍ او د استادانو، مشرانو او والدینو د احترام په برخه کي د ټولني لپاره بېلګه و اوسي.

ښاغلي ذاکر صاحب،  ټینګار وکړ چي اسلامي اخلاق د مسلمان شخصیت د ودي اساس دی او همدا ارزښتونه د سالمي ټولني په جوړښت کي رغنده رول لري. 

نوموړي محصلانو ته په خطاب کي وويل، چي ځوان باید د أمت درد احساس کړي، د مسلمانانو د فقر، جهل او ستونزو په لیدلو غافل نه سي، بلکي د اصلاح او بدلون لپاره خپله ونډه ادا کړي. هغه زياته کړه چي فکري انحراف، فرهنګي یرغل او اخلاقي انحطاط د نن سبا لوی خطرونه دي او د دې خطرونو پر وړاندي قوي مبارزه د ځوانو محصلینو مهم مسؤولیت دی.

سمینار په دعائیې سره پای ته ورسېد.

 

تازه خبرونه

پنجشنبه ۱۴۰۵/۸/۱۴ - ۱۰:۵۵
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه ۱۴۰۵/۸/۱۱ - ۱۴:۴۰
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه ۱۴۰۵/۸/۳ - ۱۴:۴۱
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS