هلمند پوهنتون کي د اسلامي ثقافت نویو معرفي سویو علماء کرامو استادانو د معرفت او ښه راغلاست غونډه دایره سوه!

helu_admin
پنجشنبه ۱۴۰۱/۱۱/۶ - ۱۰:۱۲
انځور
ورځ: چهار شنبه
نېټه: ۱۴۴۴/۷/۳
هلمند پوهنتون د غونډو تالارکي د شرعیاتو پوهنځی اړوند د اسلامي ثقافت څانګي ته د شل تنه د نوي معرفي سوي استادانو، د ښه راغلاست په موخه غونډه دایره سوه ،چي د یاد پوهنتون لوړ رتبه مسؤلینو، اداري کارکوونکو او استادانو په دې غونډه کي ګډون درلود.
غونډه د قرانکریم په څو مبارکو آیتونو پیل سوه.
پیلیزه وینا د هلمند پوهنتون مالي او اداري مرستیال محترم ډاکټر سمیع الله سعید وکړه او نوموړو نویو استادانو ته د ښه راغلاست تر څنګ ننۍ ورځ د هلمند پوهنتون په تاریخ کي، یوه بهترینه ورځ وبلله چي، د هلمند په کچه تکړه او با استعداده علماء کرام، شیوخ عظام، مدرسین د استادانو په توګه وټاکل سول، ښاغلي سعید له قدرمندو علماء کرامو څخه غوښتنه وکړه چي د محصلینو په فکري او عقیدوي روزنه کي خپل پوره پوره وس وکړي، او خپل په راتګ سره باید نور هم پوهنتون ته اسلامي، مذهبي او افغاني رنګ ور کړي.
د وینا په برخه کي د هلمند پوهنتون محترم رئیس پوهنیار محمد سورګل عبد الرحمن ته هم بلنه ورکړل سوه، نوموړي نویو راغلو استادانو ته د ښه راغلاست تر څنګ مبارکي وویله او په ټولنه کي یې د علماوو په ارزښت ګټوري خبري وکړې.
نوموړي وویل چي یاد پوهنتون ته په دومره زیات شمېر د شیخانو، باتجربه مدرسینو او په لوړه کچه د د دیني علماوو راتګ، ډېر د افتخار ځای دی.
د اسلامي ثقافت د نویو استادانو په استازولی مفتي شیر احمد عاجز صیب خبري وکړې او ویې ویل هلمند پوهنتون ته د علماء کرامو راتګ د هلمندي ولس او د یاد پوهنتون د محصلینو لپاره ډېر موثر تمامېدلای سي ځکه همدا علماء دي چي، ولسونو ته د سمي لاري لارښوونه کوي او د دنیا او اخرت د ستونزو حل لاره ورته معلومه ده.
نوموړي خوښي وښوده چي، د ښه راغلاست مراسم ورته نیول سوي دي.
غونډه په اختتامیه دعا سره پای ته ورسېده.

تازه خبرونه

سه شنبه, اګست 26 2025 4:28 PM
Background image

.هلمند پوهنتون کي د دیني او اصلاحي مجلسونو د ارزښت او اغېزو په اړه سمینار ترسره سو

د هلمند پوهنتون د دعوت او ارشاد آمریت له لوري د پوهنتون په مرکزي مسجد کي د اسلام له نظره د دیني او اصلاحي مجلسونو د ارزښت او اغېزې تر عنوان لاندي یو علمي او اصلاحي سمینار جوړ سو، چي په‌. . .

دوشنبه, اګست 04 2025 4:28 PM
Background image

.د کیفیت لوړاوي او اعتبار اخیستني د نوي ۱۱ ګونو معیارونو د تشریح درې ورځنی ورکشاپ پیل سو

د هلمند پوهنتون د تضمین کیفیت آمریت له لوري د کیفیت لوړاوي او اعتبار اخیستني اړوند درې ورځنی ورکشاپ د دې پوهنتون په د غونډو په تالار کي پیل سو.

په ورکشاپ کي د پوهنتون مرستیالانو، د. . .

سه شنبه, جولای 29 2025 3:46 PM
Background image

.د نبوي سنتو اهمیت د عصري ستونزو په حل کي  تر سرلیک لاندي  یو اصلاحي سمینار وړاندي سو

نن د هلمند پوهنتون د دعوت او ارشاد آمریت له لوري  د علمي فعالیتونو د دوام په لړ کي " د نبوي سنتو اهمیت د عصري ستونزو په حل کي " تر سرلیک لاندي یو  اصلاحي سمینار وړاندي سو.

دغه سمینار د. . .

BACK TO NEWS