په هلمند پوهنتون کي د څېړنیز راپور او علمي مقالې لیکلو دوه ورځنی لارښود ورکشاپ پیل سو

helmand@123
یکشنبه ۱۴۰۳/۸/۲۷ - ۱۱:۱۶
د علمي مقالې لیکلو لارښود

نېټه: ۱۴۴۶/۵/۱۴ هـ ق

نن شنبه د هلمند پوهنتون د غونډو په تالار کښې د ښووني او روزني پوهنځي د استاد له لوري، د څېړنیز راپور او علمي مقالې لیکلو دوه ورځنی لارښود ورکشاپ پیل سو، چي پر مهال یې استادانو او محصلانو حضور درلود.

یاد ورکشاپ د ښووني او روزني پوهنځي د رئیس پوهمنل وحیدالله "امیري" په وینا پرانیستل سو. ښاغلي اميري د څېړني د اهمیت په اړه وینا وکړه او د علمي تحقیقاتو د پرمختګ په اړه یې خپل نظر شریک کړ. نوموړي زیاته کړه، چي څېړني د علم روح بلل کیږي او په دې باید پوه سو، چي لاسته راغلي پايلي او موندني څنګه له نورو سره شریکي کړو، چي دا هر څه د یو علمي چوکاټ په اساس کیږي او د همدې علمي چوکاټ د پوهېدو لپاره مو دا ورکشاپ را پیل کړی دی.

وروسته ورکشاپ د ښووني او روزني پوهنځي د فزیک څانګي استاد پوهنیار احمد ظاهر "احمدي" لخوا پیل سو. استاد احمدي په ورکشاپ کي د علمي مقالې لیکلو اصول او د څېړنیز راپور جوړولو مهم ټکو په برخه کي لکچر وړاندي کړ او  ګډونوالو  ته يې وښول چي څنګه کولی سي خپلي څېړني په سم او منظم ډول په راپور او مقالو کي وړاندي کړي.

هیره دي نه وي، چي یاد ورکشاپ به د سبا یکشنبې په ورځ هم دوام  ولري او په کښي به د معیاري علمي لیکني تګلاري او یو شمېر نورو موضوعاتو باندي بحث وسي.

تازه خبرونه

سه‌شنبه ۱۴۰۴/۶/۴ - ۱۶:۲۸
Background image

.هلمند پوهنتون کي د دیني او اصلاحي مجلسونو د ارزښت او اغېزو په اړه سمینار ترسره سو

د هلمند پوهنتون د دعوت او ارشاد آمریت له لوري د پوهنتون په مرکزي مسجد کي د اسلام له نظره د دیني او اصلاحي مجلسونو د ارزښت او اغېزې تر عنوان لاندي یو علمي او اصلاحي سمینار جوړ سو، چي په‌. . .

دوشنبه ۱۴۰۴/۵/۱۳ - ۱۶:۲۸
Background image

.د کیفیت لوړاوي او اعتبار اخیستني د نوي ۱۱ ګونو معیارونو د تشریح درې ورځنی ورکشاپ پیل سو

د هلمند پوهنتون د تضمین کیفیت آمریت له لوري د کیفیت لوړاوي او اعتبار اخیستني اړوند درې ورځنی ورکشاپ د دې پوهنتون په د غونډو په تالار کي پیل سو.

په ورکشاپ کي د پوهنتون مرستیالانو، د. . .

سه‌شنبه ۱۴۰۴/۵/۷ - ۱۵:۴۶
Background image

.د نبوي سنتو اهمیت د عصري ستونزو په حل کي  تر سرلیک لاندي  یو اصلاحي سمینار وړاندي سو

نن د هلمند پوهنتون د دعوت او ارشاد آمریت له لوري  د علمي فعالیتونو د دوام په لړ کي " د نبوي سنتو اهمیت د عصري ستونزو په حل کي " تر سرلیک لاندي یو  اصلاحي سمینار وړاندي سو.

دغه سمینار د. . .

BACK TO NEWS