.د هلمند پوهنتون مسولینو د نشه يي توکو پر ضد د مبارزې معین سره وکتل

helmand@123
Mon, Dec 16 2024 11:15 AM
لیدنه

نېټه:۱۴۴۶/۶/۱۴ هــ ق 
 

د یکشنبې په ورځ د هلمند پوهنتون عمومي رئیس الحاج شیخ مولوي حافظ محمد نسیم حقاني، د لوړو زده کړو وزارت د تألیف او ترجمې رئیس ډاکټر حمیدالله مزمل او د یاد پوهنتون د مالي او اداري چارو مرستیال ډاکټر سمیع الله سعید د نشه يي توکو پر ضد د مبارزې معین الحاج ملا عبدالحق همکار سره د هغه په کاري دفتر کي وکتل.
په دې مهمه لیدنه کي د هلمند پوهنتون مسؤلینو د نشه يي توکو پاک افغانستان ملي کنفرانس په اړه معین صاحب ته مفصل معلومات وړاندي کړل. د پوهنتون مسؤلینو په خپلو خبرو کي یادونه وکړه، چي د دې ملي کنفرانس موخه په تعلیمي بنسټونو او ټولنه کي د ځوانانو تر منځ د پوهاوي کچه لوړول، د نشه يي توکو د ناوړه اغیزو مخنیوی، د بدیلو کښتونو ترویج او د اقتصادي ودي لپاره حل لاري موندل او وړاندي کول دي.

په دغه ناسته کي الحاج ملا عبدالحق همکار د پوهنتون له مسؤلینو څخه مننه وکړه او د دوی د هڅو ستاینه یې وکړه. نوموړي وویل چي د نشه يي توکو پر ضد مبارزه یوه ملي او دیني وجیبه ده او تعلیمي ادارې باید په دې برخه کي مخکښ رول ولوبوي.
همدارنګه، دواړو خواو د ګډو همکاریو پر پیاوړتیا ټینګار وکړ او ژمنه یې وکړه چي د نشه يي توکو پر ضد د مبارزې په برخه کي به له یو بل سره همکاري کوي. د نشه يي توکو پر ضد د مبارزې معین د دې ملي کنفرانس د بریالي ترسره کولو لپاره د هر اړخیز ملاتړ ډاډ ورکړ.

د هلمند پوهنتون عمومي رئیس الحاج شیخ مولوي حافظ محمد نسیم حقاني وویل، چي پوهنتونونه د ټولني د فکري جوړښت لپاره خورا مهم دي او د نشه يي توکو له منځه وړلو په برخه کي د دوی ونډه اړینه ده.
په پای کي دواړو خواو د دې ډول لیدنو او همکاریو د دوام او د نشه يي توکو پاک افغانستان لپاره د ګډو هڅو پر اړتیا ټینګار وکړ.

Latest news

Wed, Jun 26 2024 1:02 PM
Background image

هلمند پوهنتون کي د آيچ اي ايم ای ايس معلوماتي سیستم دوه ورځنی ورکشاپ پیل سو

نېټه: ۱۴۴۵/۱۲/۲۰ ه.ق

نن چهارشنبه د هلمند پوهنتون د مسلکي پراختیا مرکز د غونډو په خونه کي د پوهنتون  امرینو، کارمندانو او استادانو ته د HEMIS معلوماتي سیستم دوه ورځنی ورکشاپ پیل سو.

د. . .

Thu, May 23 2024 11:30 AM
Background image

د تضمین کیفیت د یولسګونو معیارونو د تفسیر ۳ ورځنی ورکشاپ پیل سو

نن پنج شنبه د هلمند پوهنتون د غونډو په تالار کي د لوړو زده کړو وزارت د راغلي پلاوو له لوري  د تضمین کیفیت د یو لسګونو معیارونو د تفسیر ۳ ورځنی ښوونیز ورکشاپ پیل سو.

په یاد ورکشاپ کي د. . .

Sun, May 05 2024 10:43 AM
Background image

د وترنري او انجینري پوهنځیو د نوي رئیسانو د معرفت غونډه ترسره سول

 نېټه: ۱۴۴۵/۸/۱

ورځ: یکشنبه

غونډه چي د هلمند پوهنتون د علمي چارو مرستیال محمد نعیم دوست صاحب، د مالي او اداري چارو مرستیال سمیع سعید صاحب، د دعوت ارشاد امر مولوي عبدالقیوم ذاکر صاحب. . .

BACK TO NEWS