د هلمند پوهنتون استادانو ته د پایلو پربنسټ تدريس او محصل محوره زده کړي کورس تصدیق پاڼي ورکړل سوې
نېټه: ۱۴۴۶/۳/۱ ه.ق
نن د هلمند پوهنتون غونډو تالار کښې د پایلو پر بنسټ تدریس او محصل محوره زده کړي کورس تصدیق پاڼي، د یوې غونډې په ترڅ کي د دې پوهتنون استادانو ته ورکړل سوې،
په همدې موخه جوړي سوي غونډي کي چي د هلمند پوهنتون رهبرۍ، استادانو او اداري غړو حضور درلود، په سر کښې د OBE-SCL ماسټر ټرينر او د هلمند پوهنتون د ښووني او روزني پوهنځي استاد پوهنمل محمد قاسم عادل د خپلو خبرو په لړ کي د ورته کورسونو په برخه کي د لوړو زده کړو وزارت د راتلونکو پلانونو په اړه لومړني معلومات شریک کړل.
بیا د همدې پوهنتون د شرعیاتو پوهنځي استاد مفتي شير احمد عاجز د یاد کورس پر ګټورتوب او ښې پایلي وږغېدی.
د غونډي په وروستيو کي، ټولو هغو استادانو ته تصدیق پاڼي ورکړل سوې، چي یاد کورس یې بشپړ کړی وو.
باید و ویل سي، چي د پایلو پر بنسټ تدریس او محصل محوره زده کړي کورس، د لوړو زده کړو وزارت لخوا هر کال د دولتي او خصوصي پوهنتونونو استادانو د وړتیا لوړوني او تدریسي میتودونو د ښه والي په موخه دایریږي، چي په پای کي د کورس بشپړونکو ته د یاد وزارت له خوا معتبر سندونه ورکول کیږي.
