د ټاپي پروژې اغېزې د افغانستان پر اقتصاد باندي تحليلي او څيړنيزه مقاله ارائيه سوه
نېټه: ۱۴۴۶/۴/۲۳ ه ق
نن شنبه هلمند پوهنتون کي د اقتصاد پوهنځي د زده کړيالانو له لوري"پر افغانستان د ټاپي پروژې اقتصادي اغېزې" تر سرليک لاندي څېړنيزه او تحليلي مقاله وړاندي سوه.
نوموړې مقاله چي ددې پوهنتون د غونډو په تالار کي د پوهنځيو مسؤلينو، استادانو او محصلينو په حضور کي را پيل سوه، د اقتصاد پوهنځي رئيس پوهنيار محمد نعيم "کاکړ" د پيل خبرو کي د محصلانو له څېړنېزو فعاليتونو او هڅو رضايت وښود او زياته يې کړه، چي ياده پوهنځى تل محصلانو ته د نوښتونو د رامنځته کولو په برخه کي لاري هواري کړي او لا به پر دې برخي تمرکز کوي.
ورپسې د اقتصاد پوهنځي د دريم ټولګي محصلانو د مقالې "څېړنيزي او تحليلي موندني" شريکي کړې.
پيل يې د ټاپي پروژې له شاليد وکړ او په يادي پروژې کي د نورو شاملو هيوادونو پر ګټو سربيره افغانستان ته يې اقتصادي ارزښت او ګټي روښانه کړې.
نوموړو پر هيواد باندي د يادي پروژې د اقتصادي تاثيراتو ټول اړخونه بيان کړه،
" ترانزيټي عايد، د زيربنايي پروژو تطبيق، د بهرنيو پانګونو جذب ، صنعتي پراختيا او کاري بوختياوو ايجاد" هغه موندني وې، چي د افغانستان د اقتصادي ودي لپاره په نوموړي پروژه کي نغښتي دي.
