هلمند پوهنتون کي د مینډلې پروګرام د پیژندني په اړه سمينار وړاندي سو
نېټه: 1446/3/23 ه. ق
نن پنج شنبه د هلمند پوهنتون د مسلکي پرمختیا د غونډو په تالار کي د مینډلې کمپیوټري پروګرام د پیژندني او کارولو په اړه محصلانو ته سمینار وړاندي سو.
دا سمينار چي د مسلکي پرمختیا مرکز په تخنیکي همکارۍ د اقتصاد پوهنځۍ لخوا چمتو سوی، د یاد پوهنځي د استاد نامزد پوهنیار حکمت الله خادم له لوري د دې پوهنتون د څلورم ټولګیو استازو ته وړاندي سو.
په دې سمينار کي د کمپیوټري پروګرام مینډلې چي په څېړنیزه ساحه کي د کارولو وړ دی، د استعمال پر لارو چارو بحث وسو.
دغه راز د یاد پروګرام په مرسته د سرچینو تنظیمول، څېړونکي د ګروپ په مرسته سره په اړیکي کي کول او د څېړنیزو مقالو په ډیجیټل شکل ساتولو او نورو برخو په اړه ګډونوالو ته بشپړ معلومات وړاندي سول.
