.هلمند پوهنتون کي په اسلامي نظام کي د خدمت کولو فضلیت تر سرلیک لاندي سمینار وړاندي سو
نېټه: ۱۴۴۶/۶/۱ هــ ق
نن سې شنبه د هلمند پوهنتون د غونډو په تالار کښي د مسلکي پرمختیا مرکز په همکارۍ د دعوت او ارشاد آمریت لخوا په اسلامي نظام کي د خدمت کولو فضلیت تر سرلیک لاندي سمینار وړاندي سو، چي پر مهال یې د دې پوهنتون استادانو او اداري غړو ګډون درلود.
په یاد سمینار کي د دعوت او ارشاد آمریت آمر مولوي عبدالقیوم ذاکر صاحب په اسلامي نظام کي د خدمت کولو په اړه ارزښتناکي خبري وکړې.
هغه په خپلو خبرو کي په اسلامي نظام کي د خدمت کولو پر فضیلت بحث وکړ. ښاغلي ذاکر وویل چي په اسلامي نظام کي خدمت کول د جهاد سره مشابه فضیلت لري او هغه کسان چي د اسلامي نظام تر چتر لاندي دنده ترسره کوي، په حقیقت کي د خپل دین او هیواد د پرمختګ او ارتقاء لپاره کار کوي.
ښاغلي ذاکر د سمینار په بهیر کي ګډونوالو ته وویل، چي اسلام د ټولني خدمت ته ځانګړی اهمیت ورکړی دی. هغه ټینګار وکړ، چي د خدمت په اړه خپل نیت پاک وګرځوئ، تر څو د پوره اجر او ثواب څښتنان سئ.
سمینار په دعائيې سره پای ته ورسېدی.
