په هلمند پوهنتون کې د کیفیت لوړاوي د ارزونې پایلو شریکولو غونډه ترسره سول
نېټه: ۱۴۴۶/۵/۸ هـ ق
نن یکشنبه، د هلمند پوهنتون د غونډو په تالار کي د کیفیت لوړاوي آمریت له لوري د ارزونو د پایلو شریکولو په موخه غونډه ترسره سوه. په دې غونډه کي د پوهنتون رهبرۍ، استادانو او د څانګو آمرینو او تدریسي مدیرانو ګډون کړی و.
غونډه د کیفیت لوړاوي آمریت مشر پوهنیار جاهد احمد "دراني" په وینا پیل سوه. نوموړي په پیل کي د پوهنتون د کیفیت لوړاوي د ارزښت په اړه خبري وکړې او له هغه وروسته یې د خپل آمریت د لوري د ترسره سویو ارزونو د پروسې په اړه معلومات شریک کړل.
ښاغلي دراني د څانګو آمرینو او تدریسي مدیرانو ته د کیفیت لوړاوي په برخه کي یو شمېر سپارښتني وکړې او له هغوی یې هیله څرګنده کړه، چي د تضمین کیفیت معیارونه په بشپړ ډول پلي کړي.
د غونډې په پای کي د ۱۴۰۳ کال په بهیر کي د پوهنتون د کیفیت لوړاوي آمریت له لوري د ټولو څانګو او تدریسي مدیریتونو د ارزونو پايلي شريکي سوې. هغه څانګي او مدیریتونه چي په دې برخه کي یې ښه کار کړی وو، ستاینلیکونه ترلاسه کړل.
غونډه په اختیامیه دعا سره پای ته ورسېدل
