.په هلمند پوهنتون کي د اکاډمیک چاپیریال سره د خدماتي کارکوونکو اشنايي سمینار وړاندي سو
نېټه: ۱۴۴۶/۸/۱۸ ه.ق کال
نن دوشنبه د هلمند پوهنتون د مسلکي پرمختیا مرکز له لوري د اکاډمیک چاپيریال سره د خدماتي کارکوونکو اشنايي تر سرلیک لاندي یو ورځنی سمینار وړاندي سو.
په دې سمینار کي د پوهنتون رهبرۍ، امرینو او خدماتي کارکوونکو ګډون درلود. د هلمند پوهنتون رئیس شیخ الحدیث والتفسیر مفتي محمد شریف الله ابو احمد د سمینار پرانیستونکې وینا وکړه، چي په کښې یې د خدماتي کارکوونکو رول مهم وباله او د اکاډمیک چاپیریال سره د هغوی د لا ښه تطابق اړتیا یې روښانه کړه.
ورپسې دغه سمینار د پوهنتون د مسلکي پرمختیا مرکز لوی مدیر ښاغلي نیازمحمد احساس له لوري وړاندي سو، چي موخه یې د خدماتي کارکوونکو ظرفیت لوړول او د پوهنتون علمي فضاء سره د هغوی د لا ښه اشنايي زمینه برابرول وو.
د سمینار په بهیر کي ښاغلي احساس خپلي تجربې شریکي کړې او د پوهنتون د کاري اصولو او د خدماتي کارکوونکو مسؤلیتونو په اړه مفصل بحثونه وکړل.
د یادونې وړ ده چي د هلمند پوهنتون اداره هڅه کوي د خپلو خدماتي کارکوونکو ظرفیت لوړولو ته ځانګړې پاملرنه وکړي، تر څو هغوی د علمي د اړتیاوو سره سم خدمات وړاندي کړي.
