د هلمند پوهنتون کارکوونکو د قندهار، زابل او غزني پوهنتونونو څخه علمي لیدني ترسره کړې
د هلمند پوهنتون ۲۵ تنو کادري او اداري کارکوونکو د خپل علمي سفر په لړ کي د قندهار، زابل او غزني پوهنتونونو څخه لیدنه وکړه.
یادو کارکوونکو د دغو پوهنتونونو د رهبرۍ ترڅنګ د بېلابېلو ادارو او څانګو چاري وکتلې، د ترسره سوو فعالیتونو، علمي پلانونو، تحقیقي نوښتونو او اداري پرمختګونو اړوند یې یاداښتونه واخیستل، تر څو ترلاسه سوي تجربې په خپل کاري چاپیریال کي پلي کړي.
په دې سفر کي د علمي او اداري تجربو تر لاسه کولو تر څنګ، د هلمند پوهنتون او یادو پوهنتونونو تر منځ په بېلابېلو علمي برخو کي د همکاریو تړونونه هم لاسلیک سول.
د یادوني وړ ده چي د هلمند پوهنتون دغه ۲۵ کسیزه علمي ډله به د قندهار، زابل او غزني ترڅنګ، په راتلونکو ورځو کي د مرکز کابل او یو شمېر نورو پوهنتونونو څخه هم لیدنه وکړي، څو خپلي علمي تجربې لا غني کړي او د پوهنتون د پرمختګ په موخه نوي لاري چاري ومومي
