د استادانو تخنيکي او مسلکي مهارتونو اړوند سمينار وړاندي سو
نېټه: 1446/1/21 ه. ق
نن شنبه هلمند پوهنتون غونډو تالار کي د استادانو دتخنيکي، مسلکي مهارتونو او تدريسي پلانو اړوند سمينار وړاندي سو.
غونډه کي چي د هلمند پوهنتون رهبرۍ، د پوهنځيو رئيسانو، د څانګو آمرينو، استادانو او اداري کارمندانو برخه درلوده.
د زده کړيالانو مسلکي وړتيا لوړوني ترڅنګ د هغوى اخلاقي روزنه هم د استادانو مسؤليت دى او د پوهنتون د بهبود لپاره دي هر کله خپلي مشورې شريکي کړي. يادي څرګندوني په غونډه کي د هلمند پوهنتون رئيس ښاغلي شيخ حافظ محمد نسيم حقاني ګډونوالو ته وکړې.
بيا د ښووني او روزني پوهنځي استاد ښاغلي پوهنمل حسن خان درمل د دتخنيکي او مسلکي مهارتونو او تدريسي پلانو اړوند سمينار پيل کړ.
نوموړي ټول اړين مسايل، د استاد مهمي دندي، تدريسي توکو چمتو کول، د پلانونو جوړول او تطبيق سره نور مطالب هم روښانه کړل.
په ورته وخت کي د پوهنځيو د مسؤلينو له لوري د تدريس او نورو چارو په اړه يو شمير ستونزي او وړانديزونه شريک سوه، چي د هلمند پوهنتون رهبرۍ يې د حل په برخه کي ډاډ وړاندي کړ.
