.د اسلام له نظره  په اداره کي سیر او راز ساتني په اړه د پوهاوي سمینار وړاندي سو

helmand@123
سه‌شنبه ۱۴۰۴/۸/۱۳ - ۱۵:۴
راز

نن د هلمند پوهنتون په مسجد کي د دعوت او ارشاد آمریت له لوري  “په اداره کي سیر او راز ساتنه د اسلام له نظره” تر عنوان لاندي د پوهاوي سمینار وړاندي سو.

یاد سمینار د دعوت او ارشاد آمر مولوي عبدالقیوم ذاکر صاحب له لوري وړاندي سو، چي په کښې د پوهنتون استادانو، اداري او خدماتي کارکوونکو ګډون درلود.

محترم مولوي عبدالقیوم ذاکر صاحب د اسلام له نظره د راز ساتني ارزښت او د امانتدارۍ اهمیت بیان کړ او زیاته یې کړه، چي سیر او محرم معلومات د یو مسلمان او په ځانګړې توګه د ادارې د کارکوونکي لپاره یو ډول امانت دی، چي باید د خیانت او افشا څخه وساتل سي.

نوموړي د قرآن کریم او مبارکو احادیثو له لارښوونو بېلګي وړاندي کړې، هغه راز ساتنه د اعتماد او نظم بنسټ وباله او زیاته یې کړه،  که دا اصل له پامه وغورځول سي، نو د ادارو باور او مشروعیت د زیان سره مخ کیږي.

ښاغلي ذاکر صاحب وویل، چي په الهي کتاب کي په صریح ډول راغلي، چي الله تعالی خیانت کوونکي نه خوښوي.

دغه راز نوموړي د مجلسونو د امانت په اړه د رسول الله ﷺ حدیث مبارک بیان کړ،  چي مجلسونه امانت دي.

نوموړي د سمینار په پای کي وویل: د راز ساتل د ایمان نښه ده او د راز افشا کول د خیانت او ګناه عمل دی. یو مؤمن باید هڅه وکړي چي د خلکو، ادارې او ټولني محرم رازونه خوندي وساتي، ځکه دا د اسلامي اخلاقو مهم اصل او د ایماني استقامت نښه ده.

تازه خبرونه

پنجشنبه, نوومبر 05 2026 10:55 AM
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه, نوومبر 02 2026 2:40 PM
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه, اکتوبر 25 2026 2:41 PM
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS