.د روحي فقر پر زیانونو او حل‌ لارو علمي سمینار ترسره سو

helmand@123
دوشنبه ۱۴۰۴/۱۰/۱۵ - ۱۴:۴۲
سمینار

نن د هلمند پوهنتون په مرکزي جومات کي د دعوت او ارشاد آمریت له لوري د روحي فقر په اړه یو علمي او اصلاحي سمینار د ترسره سو، چي پر مهال یې د پوهنتون استادانو، اداري کارکوونکو او خدماتي همکارانو ګډون کړی و.

یاد سمینار د دعوت او ارشاد آمر مولوي عبدالقیوم ذاکر صاحب له خوا وړاندي سو. نوموړي د روحي فقر په اړه وویل، دا هغه حالت دی، چي انسان له دیني، اخلاقي او معنوي ارزښتونو څخه ليري سي او دا چاره د فردي او ټولنیزو ستونزو سبب ګرځي. هغه وویل، چي کله مسلمان د الله جل جلاله د یاد څخه غافله سي او هر څه یواځي د خپلي پوهي ثمر وبولي، نو په نتیجه کي ددغه انسان زړه سختیږي او په روحي فقر مبتلا کیږي.

محترم مولوي صاحب د روحي فقر د مبتلا کېدو بل دلیل دا وړاندي کړ، چي کله یو فرد یو عبادت یا عمل د الله جل جلاله د رضا لپاره کړی وي، خو وروسته ریا ترې وسي، نو دا عمل یې د بنده د خوښۍ یا د هغه په نظر کي د لوړو معلومېدلو ځای ونیوی، چي له امله یې ورته ثواب نه رسیږي.

نوموړي د روحي فقر زیانونو ته په اشارې سره وویل، چي د ایمان کمزوری کېدل، اخلاقي انحطاط، رواني بې ‌ثباتي او د ټولنیزو ارزښتونو کمزوري کېدل د دې پدیدې مهمي پایلي دي او ټینګار یې وکړ، چي د روحي فقر مخنیوی د هر فرد ګډ مسؤلیت دی.

محترم مولوی صاحب، ددې د علاج په توګه وویل، مرګ په یاد کي ساتل، د ګناه وروسته توبه کښل او د الله جل جلاله څخه دعا غوښتل، ددې ناروغۍ درملنه ده.

په پای کي نوموړي ګډونوال وهڅول، چي د دیني لارښوونو عملي کول، یو بل ته د خیر توصیه کول او د امر بالمعروف او نهي عن المنکر فریضه په سمه توګه ترسره کول د روحي فقر د مخنیوي اغېزمني حل لاري دي.

تازه خبرونه

پنجشنبه ۱۴۰۵/۸/۱۴ - ۱۰:۵۵
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه ۱۴۰۵/۸/۱۱ - ۱۴:۴۰
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه ۱۴۰۵/۸/۳ - ۱۴:۴۱
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS