.د علمي سیر ګروپ د خپل سفر راپور د هلمند پوهنتون رهبرۍ ته وړاندي کړ

helmand@123
چهارشنبه ۱۴۰۴/۴/۲۵ - ۱۶:۲۸
علمي سیر

د هلمند پوهنتون د علمي سیر ګډونوالو خپل ۱۱ ورځني علمي او معنوي سفر په بریالیتوب سره پای ته ورساوه او د خپل سفر تفصیلي راپور یې د ریاست مقام په دفتر کي د یو ځانګړي غونډي په ترڅ کي د پوهنتون رهبرۍ ته وړاندي کړ.

دا علمي سفر چي د پوهنتون د ۲۵ تنو همکارانو له خوا د سرطان په ۶ مه نېټه د مالي او اداري چارو مرستیال ډاکتر سمیع الله سعید په مشری پیل سوی و، چي  په لړ کي یې د هیواد د ۱۳ مخکښو پوهنتونونو لکه: کندهار، کابل، پولي تخنیک، کابل ښوونه او روزنه، کاردان، بامیان، زابل، شیخ زاید، پکتیا، غزني پنجشیر، پروان، البیروني او نورو څخه لیدنه وکړه. دوی له یادو بنسټونو سره د اداري،  علمي، لابراتوارونو، کتابتونونو او نشراتي برخو کي تجربې تبادله کړې او اداري سیستمونه یې له نږدې وکتل.

د دې ګروپ د سفر معنوي اړخ هم ځانګړی ارزښت درلود، چي په کښې د مرحوم ملا محمد عمر مجاهد، سلطان محمود غزنوي، بهلول دانا، شاه دو شمشېره او شهداء صالحین زیارتونه شامل وو. ګډونوالو دا زیارتونه د دیني روحیې د پیاوړتیا او تاریخي درک لپاره مهم و بلل.

د هلمند پوهنتون رئیس شیخ الحدیث و التفسیر مفتي محمد شریف الله "ابواحمد" صاحب د علمي سیر ګروپ له فعالیتونو ستاینه وکړه او دا سفر يې د واقعي لاسته راوړنو ډک وباله.

ښاغلي ابو احمد صاحب د دوی راپورونه یو په یوه واورېد او د راتلونکو ورته علمي سفرونو د دوام ملاتړ یې وکړ.

نوموړي ګډونوالو ته په خطاب کي و ویل: دا د الله تعالی ستر فضل دی چي ستاسي تګ او راتګ دواړه حالتونو کي خوشحال یو.

هغه همداراز زیاته کړه، چي علمي سفرونه د وخت د سترو علماوو او بزرګانو یوه ټاکلې تګلاره وه. دا هغه مسلک دی چي قرآن کریم د "قل سیروا فی الارض" په حکم کي ورته اشاره کړې ده. په همدې سفرونو کي انسان د علمي تجربو ترڅنګ د خلکو کلتوري، دیني او مدني وضعیت هم له نږدې پېژني، له همدې امله علماوو ویلي دي: "من لم یعلم بأهل زمانه فهو جاهل." څوک چې د خپل وخت د خلکو له حاله خبر نه وي، هغه ناپوه دی.

غونډه د دعاء په ویلو سره پایته و رسېدل.

تازه خبرونه

سه‌شنبه ۱۴۰۴/۶/۴ - ۱۶:۲۸
Background image

.هلمند پوهنتون کي د دیني او اصلاحي مجلسونو د ارزښت او اغېزو په اړه سمینار ترسره سو

د هلمند پوهنتون د دعوت او ارشاد آمریت له لوري د پوهنتون په مرکزي مسجد کي د اسلام له نظره د دیني او اصلاحي مجلسونو د ارزښت او اغېزې تر عنوان لاندي یو علمي او اصلاحي سمینار جوړ سو، چي په‌. . .

دوشنبه ۱۴۰۴/۵/۱۳ - ۱۶:۲۸
Background image

.د کیفیت لوړاوي او اعتبار اخیستني د نوي ۱۱ ګونو معیارونو د تشریح درې ورځنی ورکشاپ پیل سو

د هلمند پوهنتون د تضمین کیفیت آمریت له لوري د کیفیت لوړاوي او اعتبار اخیستني اړوند درې ورځنی ورکشاپ د دې پوهنتون په د غونډو په تالار کي پیل سو.

په ورکشاپ کي د پوهنتون مرستیالانو، د. . .

سه‌شنبه ۱۴۰۴/۵/۷ - ۱۵:۴۶
Background image

.د نبوي سنتو اهمیت د عصري ستونزو په حل کي  تر سرلیک لاندي  یو اصلاحي سمینار وړاندي سو

نن د هلمند پوهنتون د دعوت او ارشاد آمریت له لوري  د علمي فعالیتونو د دوام په لړ کي " د نبوي سنتو اهمیت د عصري ستونزو په حل کي " تر سرلیک لاندي یو  اصلاحي سمینار وړاندي سو.

دغه سمینار د. . .

BACK TO NEWS