د هلمند پوهنتون د محصلینو ترمنځ د زراعتي سوداګریزو طرحو سیالي؛ درې غوره پروپوزلونه وټاکل سول

helmand@123
یکشنبه ۱۴۰۵/۹/۱ - ۱۵:۲۶
راپور

د هلمند پوهنتون د محصلانو معاونیت اړوند، د «زراعتي سوداګریزو پروپوزل لیکلو سیالۍ» په لړ کي د کرهڼي پوهنځي د ۴۲ تنو محصلینو له لوري د سوداګریزو طرحو د وړاندي کولو او ارزوني پروسه ترسره سوه.

دغه پروسه د لوړو زده کړو وزارت د هغو هڅو په لړ کي ترسره کېږي، چي موخه یې د امارتي پوهنتونونو د محصلینو د نوښتونو او وړتیاوو ملاتړ، د علمي زده کړو له عملي فعالیتونو سره نښلول او د عایداتي او سوداګریزو طرحو د عملي کېدو لپاره د زمینې برابرول دي.

په دې پروسه کي ۴۲ تنو محصلینو خپلي زراعتي سوداګریزي طرحي وړاندي کړې، چي د لومړنۍ ارزوني په پایله کي یې ۱۰ غوره طرحي دویم پړاو ته لاره وموندله. یادو محصلینو ته د هلمند پوهنتون له لوري د دوی د غوره طرحو له امله ستاینلیکونه ورکړل سول.

د ارزوني په وروستي پړاو کي له یادو طرحو څخه درې غوره زراعتي سوداګریزي طرحي وټاکل سوې، چي د دې پوهنتون له لوري به د لوړو زده کړو وزارت ته ور وپيژندل  سي.

دغه درې غوره طرحي به د ملک په کچه د امارتي پوهنتونونو د کرهڼي پوهنځیو له لوري د غوره سویو نورو زراعتي سوداګریزو طرحو ترڅنګ په عمومي سیالۍ کي وارزول سي. په دې پړاو کي به د نوښت، اقتصادي اغېز، عایداتي ظرفیت او عملي کېدو وړتیا له مخي غوره طرحه وپېژندل سي او د عملي کېدو لپاره به ورته لازمي اسانتیاوي برابري سي.

د دې پروسې له لاري به محصلینو ته زمینه برابره سي، چي خپلي علمي زده کړي له عملي او سوداګریزو نظریاتو سره وتړي، د کرهڼي په برخه کي د عایداتي فعالیتونو لپاره نوي لاري چاري وړاندي کړي او خپلي وړتیاوي د ملک د اقتصادي ودي او ځان ‌بسیایني په برخه کي وکاروي.

 

تازه خبرونه

یکشنبه ۱۴۰۵/۹/۱ - ۱۵:۲۶
Background image

د هلمند پوهنتون د محصلینو ترمنځ د زراعتي سوداګریزو طرحو سیالي؛ درې غوره پروپوزلونه وټاکل سول

د هلمند پوهنتون د محصلانو معاونیت اړوند، د «زراعتي سوداګریزو پروپوزل لیکلو سیالۍ» په لړ کي د کرهڼي پوهنځي د ۴۲ تنو محصلینو له لوري د سوداګریزو طرحو د وړاندي کولو او ارزوني پروسه ترسره. . .

یکشنبه ۱۴۰۵/۸/۳ - ۱۴:۴۱
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

سه‌شنبه ۱۴۰۵/۷/۱۴ - ۱۶:۲۹
Background image

د اووه میليونه افغانیو په لګښت؛ هلمند پوهنتون کي درې پوړیزه ودانۍ جوړیږي

هلمند پوهنتون کي د ریاست مقام دفتر ، مېلمستون او د رسمي جلسو د تالار په ګډون د درې پوړیزي ودانۍ د جوړولو چاري نن پیل سوې، چي یاده ودانۍ به په (۳۵۰ ) متره مربع ځمکه کي د څه کم اووه. . .

BACK TO NEWS