.د هلمند پوهنتون له لوري په لښکرګاه کي د نشه یي توکو پاک افغانستان ملي کنفرانس لوحې نصب سوې
نېټه: ۱۴۴۶/۵/۱۹ ه.ق
هلمند پوهنتون په لښکرګاه ښار کي د "له نشه يي توکو پاک افغانستان" ملي کنفرانس لوحې نصب کړې، چې دغه اقدام د پوهنتون لخوا د یوې ستري ټولنیزي مبارزې په موخه ترسره سو.
دا لوحې د پوهنتون د علمي او ټولنیز مسؤلیت ښودنه کوي او په ځانګړي توګه د نشه يي توکو د مصرف د مخنیوي لپاره د عامه پوهاوي زیاتولو ته د خلکو پام اړوي.
هلمند پوهنتون د دغه کنفرانس له لاري په پام کي لري، چي د افغانستان د ځوانانو او ټولني په منځ کي د نشه يي توکو په وړاندي مبارزه پیاوړې کړي او د دې ټولنیزي ستونزي په اړه د عامه پوهاوي لړۍ پراخه کړي.
دغه کنفرانس به د 1403 هـ ش کال په وروستیو کي د هلمند پوهنتون په همکارۍ د ټولني د مختلفو برخو له څېړونکو، استادانو، د ويښ فکر خاوندانو، دولتي چارواکو او د ټولني د استازو په ګډون جوړ سي، چي پکښې به د هیواد په کچه لیکوالان او متبحر کسان د نشه یي توکو سره د مبارزې لارې چارې او په افغانستان کي د کوکنارو د بدیل کښت طرحي وړاندي کړي.
