.د هلمند پوهنتون محصلانو ترمنځ د ادبي، علمي او معلوماتي سمینارونو سیالي ترسره سوه

helmand@123
سه‌شنبه ۱۴۰۴/۲/۲۳ - ۱۶:۸
سیالي

 

نن سې شنبه د هلمند پوهنتون د غونډو په تالار کښي د شرعیاتو پوهنځي له لوري، د محصلانو ترمنځ د یو لړ ادبي او معلوماتي سمینارونو د وړاندي کولو سیالي ترسره سوه، چي موخه یې د محصلانو څېړنیز او علمي ظرفیت لوړول، فکري پراخوالی او د علمي سیالۍ کلتور ته وده ورکول وه.

د هلمند پوهنتون د پنځلسو بېلا بېلو څانګو څخه لسګونو محصلانو پر مختلفو ادبي، علمي او اسلامي موضوعاتو سمینارونه ترتیب کړي وه، چي پر مهال یې د پوهنتون استادانو او سلګونو محصلینو حضور درلود.

د دې علمي پروګرام پیلوونکي او د هلمند پوهنتون د اسلامي ثقافت استاد، ښاغلي مفت / ي شیر محمد عاجز صاحب، د پروګرام د پرانیستي پر مهال په خپلو خبرو کي وویل، چي دا ډول علمي او فکري پروګرامونه د محصلانو د استعدادونو د راڅرګندولو، فکري روزني او نوښت ته د زمینې برابرولو لپاره خورا ارزښتناک دي.

نوموړي زیاته کړه، چي دا سيالۍ محصلان دېته چمتو کوي، تر څو د بحث، څېړني او بیان له لاري خپل فکري ظرفیتونه پراخ کړي او په راتلونکي کي د ټولني د مثبت بدلون لپاره مؤثر رول ولوبوي.

ورپسې د سیالۍ ګډونوالو محصلانو خپل علمي او څېړنیز مطالب، چي ډیره برخه یې پر اسلام، علم، فکري جګړې، ټولني او عقایدو باندي راڅرخېدل، وړاندي کړل.

د سیالۍ ارزونه به د دې پوهنتون له استادانو جوړ، ژوري پلاوي ترسره کړي، چي د محصلانو د څېړنیزي محتوا او وړاندي کولو مهارتونو پر بنسټ به غوره ګډونوال وټاکي او ستاینلیکونه به ورکړل سي.

باید وویل سي، چي تر دې وړاندي هم د پوهنتون له‌ خوا ورته پروګرامونه تنظیم سوي، چي په نتیجه کي یې لسګونو محصلانو ته بېلابېلي مادي او معنوي ډالۍ ورکړل سوي دي.

 

تازه خبرونه

سه شنبه, جولای 01 2025 4:24 PM
Background image

.د معاصر تعلیم او اسلامي ارزښتونو ترمنځ همغږي په اړه اصلاحي سمینار وړاندي سو

نن د هلمند پوهنتون د دعوت او ارشاد آمریت له لوري د پوهنتون په مسجد کي د معاصر تعلیم او اسلامي ارزښتونو ترمنځ همغږي، ستونزي او حل لاري تر عنوان لاندي یو ارزښتناک اصلاحي سمینار وړاندي سو،. . .

دوشنبه, جون 30 2025 3:30 PM
Background image

.په هلمند پوهنتون کي د پایلو پر بنسټ ښووني او الکترونیکي زده‌ کړو لس ورځنی ورکشاپ پیل سو

د هلمند پوهنتون مسلکي پرمختیا مرکز په همکارۍ د دې پوهنتون په تدریسي ټولګیو کي د پایلو پر بنسټ ښووني، محصل‌ محوره تدریس او الکترونیکي زده‌ کړو په اړه ورکشاپ پیل سو.

په دغه روزنیز. . .

یکشنبه, جون 29 2025 4:20 PM
Background image

د هلمند پوهنتون کارکوونکو د قندهار، زابل او غزني پوهنتونونو څخه علمي لیدني ترسره کړې

 

د هلمند پوهنتون ۲۵ تنو کادري او اداري کارکوونکو د خپل علمي سفر په لړ کي د قندهار، زابل او غزني پوهنتونونو څخه لیدنه وکړه.

یادو کارکوونکو د دغو پوهنتونونو د رهبرۍ ترڅنګ د بېلابېلو. . .

BACK TO NEWS